Boketj

Boketj of Bokentj (Nederlands: Boeket) is e naobersjap det huuertj bieje Nederlandjse gemèndje Neejwieërt. 't Naobersjap ligk te naordwèste van 't dörp Neejwieërt.

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Ni-jwieërts, es te dit dialek sjpriks.

---

De Sint-Antoniuskapel in Boketj.

d'n Haof bi-j Braos.

Boketj ligk op 31 maeter baove zieëniveau.

Gesjiechte

Van 1917 toet 1951 haet 'ne windjmeulen in Boketj gestange: de Meule van Coolen. Deze kaoremeule waas vannen gróndjzeilertuup en haw 'nen achterkentjige rómp. Inne periood 1951-1976 woort de meulen óntmantjeldj. De roede woorten hergebroek bieje resteraasje vanne meule De Bleeke Dood in Zaandiek.

Sint-Antoniuskapel

Bieje kruutsing tösse de straote Boketj en Aan 't Vin bevindj zich de neogotische Sint Antoniuskapel. Dees woort geboedj in 1992. De veurgenger van dees kapel sting in 't veurmaolig gehuch Rosveldj, te zuje van 't dörp Neejwieërt. Dees oet 1867 stammendje kapel woort op 22 mieërt 1992 gesloeap veur plaats te make veur e bedriefsterrein. Door gifte vanne gemèndjen en vereins kós de kapel mit nuuj matterjale waeren herboedj in 't naobersjap Boketj. E plakaat inne kapel herinjertj aan dees verhoezing. d'n Daakruter oppe kruutsing kump aaf vanne oearsprunkelike kapel.

Braosheuf

De Braosheuf is 'n achtieëndjen-ieëfs landjshaofkómpleks, bestäöndje oet twieë häöf. d'n Haof bi-j Braos is vannen tuup langgevelhaof. d'n Haof bi-j Heindriks haet 'ne veerkentjigere plattegróndj en 'n hoeag opgäöndj woufsdaak. Oearsprunkelik laag nag 'nen derdjen haof bie dit kómpleks; deze woort ane begin vanne neugentieëndjen ieëf gesloeap.

Gemeinte Ni-jwieërt	Vaan vaan Ni-jwieërt
Dörper en gehuchte: Boketj · D'Indj · Leivere · Ni-jwieërt · D'Oospel · Ospeldiek · Schoor