Amstel Gold Race

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Amstel Gold Race 2006: 't peloton bovenop de Geulhemmerberg in Berg (Valkeberg)

De Amstel Gold Race ies 'n eindaagse fietsrenwedsjtried op de weeg veur profrennersj, die saer 1966 eder jaor in vreugjaor weurt gereje in Zuud-Limburg. Bies 2000 góng 'n deil van de route ouch door Belsj Limburg. De Amstel Gold Race weurt gerekend tot de "klassiekersj" van 't fietsrenne. Saer 2005 ies de wedsjtried 'n ónderdeil van de UCI Pro Tour, daoveur waor 't ein van de races oet de Waereldbeker. De Amstel Gold Race ies geneump nao 't beermerk Amstel.

De sjtart van de Amstel Gold Race ies op de Mert van Mestreech. De finish liek saer 2003 bovenaan de Cauberg. Ièrder finishplaatse waore Meersje en Mestreech.

Bies in de jaore 90 woort de Amstel Gold Race veural door Nederlandse en Belzje fietsrennersj gewónne. Wie de wedsjtried ónderdeil woort van de Waereldbeker woort 't deilnummersjveld internationaler. De Nederlandse fietsrenner Jan Raas haet de Amstel Gold Race 5 kièr gewónne tösje 1977 en 1982. In zienen tied kalde me ouch waal van Amstel Gold Raas.

Op d'n daag veur de wedsjtried veur profrennersj ies d'r 'n toerversie van de Amstel Gold Race.

In 2020 woort de Amstel Gold Race veur de ièrsjte kièr neet gehouwte, in verband mèt de COVID-19-pandemie. 't Jaor dao-op gaof 't 'n aangepasde versie.

Beklumminge

In de race were of woorte de volgende berg beklómme:

Keuteberg, vanoet Ingwege Loorberg of D'n Dries, van Sjlenake tot Heieraat Frómberg, vanoet Etenake Ezerbosjwaeg bie Eys De Huls Subbergröb, van De Nerem nao Sub Gulperberg vanoet Partei Kruusberg of de Botterweck, vanoet Wahlwiller Maasberg in Elsloo

Adsjteeg in Baek Wolfsberg, bie Hoagkruts Vrakelberg, bie Ubachsberg Geulemerberg vanoet Geulem nao Berg Vaolserberg bie Vaols Lange Raorberg vanoet Meersje nao Raor Bemelerberg of de Krekelberg, van Bemele nao 't Gastes Sjweiberg Cauberg in Valkeberg

Euverziech winnaersj

Mansluuj

2024 – Tom Pidcock (Vereinig Keuninkriek) 2023 – Tadej Pogačar (Sjlovenië) 2022 – Michał Kwiatkowski (Pole) 2021 – Wout Van Aert (Belsj) 2019 – Mathieu van der Poel (Nederland) 2018 – Michael Valgren Andersen (Denemarke) 2017 – Philippe Gilbert (Belsj) 2016 – Enrico Gasparotto (Italië) 2015 – Michał Kwiatkowski (Pole) 2014 – Philippe Gilbert (Belsj) 2013 – Roman Kreuziger (Tsjechië) 2012 – Enrico Gasparotto (Italië) 2011 – Philippe Gilbert (Belsj) 2010 – Philippe Gilbert (Belsj) 2009 – Sergej Ivanov (Rusland) 2008 – Damiano Cunego (Italië) 2007 – Stefan Schumacher (Duutsjland) 2006 – Fränk Schleck (Luxemburg) 2005 – Danilo di Luca (Italië) 2004 – Davide Rebellin (Italië)

2003 – Aleksandr Vinokoerov (Kazachstan) 2002 – Michele Bartoli (Italië) 2001 – Erik Dekker (Nederland) 2000 – Erik Zabel (Duutsjland) 1999 – Michael Boogerd (Nederland) 1998 – Rolf Järmann (Zjwitserland) 1997 – Bjarne Riis (Denemarke) 1996 – Stefano Zanini (Italië) 1995 – Mauro Gianetti (Zjwitserland) 1994 – Johan Museeuw (Belsj) 1993 – Rolf Järmann (Zjwitserland) 1992 – Olaf Ludwig (Duutsjland) 1991 – Frans Maassen (Nederland) 1990 – Adri van der Poel (Nederland) 1989 – Eric Van Lancker (Belsj) 1988 – Jelle Nijdam (Nederland) 1987 – Joop Zoetemelk (Nederland) 1986 – Steven Rooks (Nederland) 1985 – Gerrie Knetemann (Nederland)

1984 – Jacques Hanegraaf (Nederland) 1983 – Phil Anderson (Australië) 1982 – Jan Raas (Nederland) 1981 – Bernard Hinault (Frankriek) 1980 – Jan Raas (Nederland) 1979 – Jan Raas (Nederland) 1978 – Jan Raas (Nederland) 1977 – Jan Raas (Nederland) 1976 – Freddy Maertens (Belsj) 1975 – Eddy Merckx (Belsj) 1974 – Gerrie Knetemann (Nederland) 1973 – Eddy Merckx (Belsj) 1972 – Walter Planckaert (Belsj) 1971 – Frans Verbeeck (Belsj) 1970 – Georges Pintens (Belsj) 1969 – Guido Reybrouck (Belsj) 1968 – Harrie Steevens (Nederland) 1967 – Arie den Hartog (Nederland) 1966 – Jean Stablinsky (Frankriek)

Vrouwluuj

• 2024 – Marianne Vos (Nederland)
• 2023 – Demi Vollering (Nederland)
• 2022 – Marta Cavalli (Italië)
• 2021 – Marianne Vos (Nederland)
• 2019 – Katarzyna Niewiadoma (Pole)
• 2018 – Chantal Blaak (Nederland)
• 2017 – Anna van der Breggen (Nederland)
• 2003 – Nicole Cooke (Vereinig Keuninkriek)
• 2002 – Leontien van Moorsel (Nederland)
• 2001 – Debby Mansveld (Nederland)

Externe link

• Officieel website