Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Davide Rebellin (San Bonifacio, 9 augustus 1971 - 30 november 2022) waor 'ne Italiaanse fietserenner. Hae fietsde bie de ploog Serramenti PVC Diquigiovanni-Androni Giocattoli.
Rebellin woort profrenner in 1992. In 1996 wón hae 'n etappe in de Giro d'Italia en droog 6 daag de roze leidersjtrui. In 1997 wón hae de Clásica San Sebastián. In 2001 wón hae 't klassement en ein etappe van de Tirreno Adriatico.
Van 2002 tot 2008 fietsde hae bie Gerolsteiner. In 2004 wón hae de Amstel Gold Race, de Waalse Piel én Luuk-Bastenake-Luuk, binne ein week, es ièrsjte renner oats.
Rebellin wón in 2008 't klassement van Paries-Nice. Op de Olympische Sjpele in Peking in 2008 haolde hae 'n zilvere medaille op de weegrit. In april 2009 woort bekènd dat hae op dees Olympische Sjpele betrap ies op CERA, 'ne EPO-variant. Rebellin óntkènt dat hae doping haet gebruuk en haet um 'n contra-expertise gevraog.
Rebellin góng óndanks sjorsinge en anger taegesjleeg oetzungerlik lang door en haolde ouch es veertiger nog aansjpraekende rizzeltate. Pas in 2022, kort veur ziene 51e verjäördag, sjtopde hae mit fietsrenne. Zien carrière hauw daartig jaor gedoerd. Kort daonao, op 30 november, woort hae bie 'n training door 'ne vrachwage aangevare en sjtorf direk.
Belangriekste euverwinninge
1994
- etappe in de Hofbräu Cup
1995
- Runde van Trentino
1996
- etappe in de Giro d'Italia
1997
- Clásica San Sebastián
- Kampioensjap van Zürich
1998
- Tre Valli Varesine
- Runde van Venetië
- etappe in de Runde van Zjwitserland
- etappe in de Runde van de Regio Wallonië
1999
- Criterium International
- Runde van de Haut-Var
- Runde van Venetië
- Runde van de Mieddellandse Ziè
- Runde van Venetië
- etappe Runde van Friuli
2000
- Runde van Venetië
2001
- etappe Runde van de Mieddellandse Ziè
- eindklassement Tirreno-Adriatico
2004
- Amstel Gold Race
- Waalse Piel
- Luuk-Bastenake-Luuk
2006
- eindklassement Brixia Tour
- Runde van Emilië
2007
- Waalse Piel
- etappe Brixia Tour
- eindklassement Brixia Tour
2008
- Runde van de Haut-Var
- eindklassement Paries-Nice
2009
- 3e en 4e etappe Ruta del Sol
- Waalse Piel
Ploge
- 1992 - 1994 GB-Maglificio MG-Bianchi
- 1995 Maglificio MG-Technogym
- 1996 Polti
- 1997 La Française des Jeux
- 1998 - 1999 Polti
- 2000 - 2001 Liquigas-Pata
- 2002 - 2008 Gerolsteiner
- 2009 Serramenti PVC Diquigiovanni-Androni Giocattoli
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
