Abraham

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Abraham (Hibrieëfs: Avraam; Arabisch: Ibrahim) is eine vanne aartsvaders en wuuertj gezeen es de stamvader van versjillige völker en groeperinge, veur jude en bepaoldje Arabische völker inne litterlike zin, wie veur kristenen inne euverdrachtelike zin. Hae wuuertj inne Biebel (Genesis) enne Koraan geneump.

Volges de Tenach (en ouch de Biebel) wóndje Abram in Ur in Babylonië, zie gebaordjelandj, Abram waas getroedj mit Sarai. Ze hawwe gein kinjer gekrege, ómdet zie ónvröchbaar waas.

Abram haw van God te huuere gekrege det t'r zie gebaordjelandj mós verlaote: "Gank nao 't landj det Ich dich wies". Abram dieëj dit; hae vetróch mit zien femielje en deensknichte nao Haran. Dao kreeg t'r 'nen twieëdjen oproop van God, wonao d'r mit zien hoeshaje (zoeaget doezjendj luuj) e róndjtrèkkendj bestaon haet gelèdj.

Ómdet Abram gein kinjer kós kriege bie zien vrouw, goof Sarai 'm ein van zien slavinne, Hagar. Van dem kreeg t'r de zoon Ismaël.

Later in zie laeve versjeen God veur Abram en zag: "Ich zal mit dich e verbóndj aangaon en dich hieël väöl naokómmelinge gaeve. En doe zöls de stamvader waere van väöl völker. Daoveur hèts doe neet langer Abram, mer Abraham. En dien vrouw hètj neet langer Sarai, meh Sara. En Ich zal 'm vröchbaar make." En Sra goof 'm de zoon Isaak.

Sara woort 127 jaor en stórf in Kirjat-Arba, ouch waal Hebron geheite, in Kanaän (noe Israël en Palestina).

Later troedje Abraham oppernuuj, mit Ketura. Van dem kreeg t'r zès zone: Zimran, Joksan, Medan, Midjan, Jisbak en Suach.

Abraham woort 175 jaor. Hae is begrave gewaore door zien zone Isaak en Ismaël.