Aajd-Vroenhove

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Aajd-Vroenhove (Oud-Vroenhoven) Gewaeze gemeinte in Nederlandj
{{{locatie}}}
Gevörmp	1839
Opgehaeve	1920
Opgegange in	Mestreech
Provincie	Nederlands Limbörg
Hoofplaats	Wolder
Opperflaakde (bie opluffing)	15,78 km²
– daovan water:	{{{water}}} km²
Inwoeners (kort veur opluffing)	4.344 (1919)
– deechde:	275/km²
Lies van börgemeisters

Aajd-Vroenhove (Nederlands: Oud-Vroenhoven) is 'n geweze gemeinte in Nederlands Limburg.

Ze oontstoont in 1839, wie bij de vrei tösse Nederland en 't Belsj de grens tösse Nederlands en Belsj Limburg woort getrokke. 't Gebeed roond Mestreech bleef daobij in Nederlandse han, wat detouw leide tot de gemeinte Vroenhove in e Nederlands en e Belsj deil gesplete mós weure. De gemeinte bestoont oet Biesland, Hoeve Nekum, Wolder, Kaberg (allewijl Aajd Kaberg) en e deil vaan Smeermaas. De groond, 15,78 km², leep tot aon de walmör vaan Mestreech.^[1] 't Raodhoes stoont in Wolder.^[2] In 1920 woort Aajd-Vroenhove, tegeliek mèt Sint Pieter, geannexeerd door de gemeinte Mestreech. 't Groetste deil vaan 't groondgebeed is allewijl bebojd mèt nuibouwwieke.

Waope

't Waope vaan de gemeinte, touwgekind in 1866, waor doorsnoje: 't boveste deil vaan keel mèt 'nen have, nao de (heraldisch) linkerkant gewende liew vaan zèlver, 't oonderste deil vaan zèlver. Dit waor 't waope vaan de aw gemeinte en 't aajd graofsjap Vroenhove doormidde gesnoje. Me nump aon tot dit oetbeeld tot me mer mèt e deil vaan de aw gemeinte te make had. Opvallend is wijer tot de kroen op de liew oontbrik.^[3]

Historische inwoenertalle

In de lèste decennia vaan zie bestoon zuut me Aajd-Vroenhove dudelek tot 'n veurstad vaan Mestreech oetgreuje.

Jaor Aontal Greuj (gans Limbörg) 1830 (1.220)[4] -- 1840 1.461[5] +19,8% (+5,6%) 1849 1.264[6] -13,5% (+4,3%) 1859 1.324[7] +4,7% (+4,4%) 1869 1.397[8] +5,5% (+4,5%)

Jaor Aontal Greuj (gans Limbörg) 1879 1.568[9] +12,2% (+7,0%) 1889 1.759[10] +12,2% (+6,8%) 1899 2.300[11] +30,8% (+10,2%) 1909 3.638[12] +58,3% (+17,8%) 1919 4.344[13] +19,4%

Opmerkinge

• In 1830 bestoont de gemeinte Aajd-Vroenhove nog neet, meh umtot de gegeves vaan toen pas nao de splitsing zien verwèrk, heet me 't bestand veur die gemeinte mèt trökwèrkende krach opgemaak.
• In 1919 woort wel 'n woeningtèlling, meh gein volkstèlling gehawwe. Ciefers veur gans Limbörg gief 't neet. T'r vergelieking: de Limbörgse bevolking waor in 1920 (wie 't wel 'n volkstèlling gaof) mèt 32,6% gegreujd.

Rillatief oontwikkeling vaan 1830 tot 1919/20

(x₁₈₃₀=100)

Greun: Gemeinte Aajd-Vroenhove
Blauw: Provincie Limbörg

Rifferenties

1. Kaart vaan Aajd-Vroenhove oet 1868
2. Heemkunde Wolder - Beeldbepalende panden
3. Heraldrywiki - Oud Vroenhoven
4. Volkstèlling 1830
5. Volkstèlling 1840 - Limbörg
6. Volkstèlling 1849 - Hertogdóm Limbörg: gemeintesgewijs indeiling vaan de provincie
7. Volkstèlling 1859 - Plaotseleke indeiling
8. Volkstèlling 1869 - Feiteleke of getèlde bevolking in eder gemeinte vaan 't riek
9. Volkstèlling 1879 - Limbörg: plaotseleke indeiling
10. Volkstèlling 1889 - Limbörg
11. Volkstèlling 1899 - Limbörg
12. Volkstèlling 1909 - Plaotseleke indeiling
13. Woeningtèlling 1919