From Wikipedia, the free encyclopedia
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
De Veldeke-krink Valkeberg ies ein van de 12 kring van Veldeke-Limburg. De vereiniging, opgeriech in 1967, hèlt ziech bezig mèt Limburgse volkscultuur, de Limburgse taal, miè bepaald 't plaatselek dialek. De krink Valkeberg besjteit oet de volgende dörper, gehuchte, buurtsjappe: Eëtenake, Aolbaek, Arensgenhout, Brokem, Berg, Dolberg, de Hièk, de Emmaberg, Ingwege, haof Euverhem, Euverhièk, Fromberg, 't Gastes, Geulem, de Gièlender, Groat Welsde, Hazel, de Hièkerbeek, Hièrewaeg, Houtem, Hölsberg, Iezere, Ingber, Klumme, de Koële, Kleingenhout, Klein Welsde, Keuteberg, Mergraote, de Neerhem, Oas, Opsjuèmer, Oud-Valkeberg, de Plenkert, Ransdel, Raor, Sjin op Geul, Sjuèmer (Sjoanbrón), Sjtraobaek, de Sjtoepert, Sjtókkem, Sjtröch, Sjuèlder, Sjunmmert, Oansel, Sint-Gerlach, Sint-Pièter, Suub, Termaar, Terbliet, 't Roeët, Vild, Valkeberg, Vroenhof, Walem, Wiesjegrach, Wolfses.
Veldeke-Valkeberg ies 'n vereiniging, die ziech bezig hèlt mèt Limburgse volkscultuur, de Limburgse taal en veural 't dialek van de krink Valkeberg en umjstreke. Taalkundig gezeen ies gein versjil tösje taal en dialek. Eder haet grammatica en lexicon. 't Enigste versjil ies dat de sjtandaardtaal volledig gedocumenteerd ies in bieveurbeeld de ANS (Algemene Nederlandse Spraakkunst). 't Valkebergs ies ein van de Limburgse dialekte. Mèt 't geve van dialekcursusse, thema-aovende en diverse publikaties probeert de vereiniging de doelsjtèlling te verwezelike. Vanaaf 1972 weurt eder jaor 'n Veldeke-dialekmès georganiseerd in de Slevevrouwekèrk in Valkeberg, vanaaf 2015 in de Nicolaas & Barbarakèrk. Alle mèstekste zint in 't plat. De muzikaal umliesting (ouch in 't dialek) weurt verzörg door 'n plaatselik koar (bie toerbeurt). In 2009 haet Veldeke-krink-Valkeberg 'n nuuj versie oetgegeve van 't dialekmèsbeukske. De officieel tekste van 't biesjdóm Remung (2000) zint vertaald door Veldeke-besjtuurslid Els Diederen in samewèrking mèt pesjtoar Herman Jansen. In de jaore 2019 t/m 2021 ging de Veldeke-dialekmès neet door vanwege de Coronapandemie.
't Tiedsjrief of vereinigingsblaad wat neet allein de leje van de krink Valkeberg kriege, meh alle lede van Veldeke-Limburg, ies 't Veldeke-orgaan, ouch waal gewoon Veldeke geneump. Naodat in 2006 't tiedsjrif woort opgeheve, kriege de leje Nuujsbreve en 'n jaorbook. Vanaaf 2000 kriege de leje van de krink af en toe 'n eige jaorbeukske.
Sjtiechtinge en commissies die ónder Veldeke-Valkeberg zint gebore, wèrke of gewèrk höbbe zint:
De Veldeke-krink-Vallekeberg woort ge-initieerd in november 1966. In 1967 volgde de opriechting van de krink door veurz. Theo van de Voort, Anneke Ubaghs-Cobbenhagen, Jan Notten, Hais Chambille, Chris Huynen, E. Brouwers. In 1970 kaome dao Lou Pluijmen, Peter Wouters en Els Diederen bie. In de loup van de jaore make de volgende persone deil oet van 't besjtuur: Jo Straatman, Carla Pluijmaekers-Habets, René Paulssen, Frans Laeven, Marij Schoren-Buys, Jo Loozen, Henk Thewissen, Fons Winteraeken, Jos America, Lies Silverentand, Annemie Philippi, Léon Pluijmaekers.
De website van de Veldeke-krink-Valkeberg, ontwerp (2001) en inhoud zint van Els Diederen, ies in juli 2015 geselecteerd um in 't archief bewaard te were es digitaal erfgood in de Keuninklike Bibliotheek (KB).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.