Lord Acton
Napolitaons-Britsen historicus en politicus From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
John Emerich Edward Dalberg-Acton (10 jannewarie 1834, Napels te Twie Siciliës - 19 juni 1902, Tegernsee te Beiere, Duits Keizerriek), meistes bekind oonder zien abbrivatie Lord Acton, waor 'ne Napolitaons-Britsen historicus en liberaole politicus mèt 'ne Roems-Kathelieken achtgroond. Heer sjreef euver oonder aandere de rillatie tösse mach en corruptie, mer ouch euver 't idee tot de natiestaot gaaroet neet natuurlek is (wijl 't nationalisme dat wel stèlt) mer zjus artificieel vaan zienen eerd is. Vaan häöm kump 't bekind citaot euver d'n eerd vaan mechteg lui: "Mach neig corrup te weure en abselute mach corrupeerd abseluut. Groet manslui zien bekans altied slech manslui..." Vaan dit citaot is de versömpelde oetdrökking oontstande: "Mach corrupeerd ummertouw. Abselute mach corrupeerd abseluut."
Wie heer hiemeld in Beiere leet heer 'n bibliotheek achter vaan mie es 60.000 beuk. De Britse journalis Hugh Chisholm sjreef in 1911 tot Lord Acton "te wieneg heet achtergelaote um bekind te stoon es eine vaan de groete historici": "Zien eigenste meneer vaan studere lieket in de weeg gestande te höbbe; heer wis te väöl en zie literair bezej waor te acuut veur häöm um gemekelek te sjrieve en zienen euvervlood aon informatie euverlaojde ziene literaire stijl. Mer heer waor eine vaan de deepsgelierde manslui vaan zienen tied en heer zal n'importe gerappeleerd weure veur zienen invlood op aandere".
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
