From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Kaunas (Duutsj: Kauen; Pools: Kowno; Róssisch: Каунас, vreuger: Ковно) is de twieëdje stad van Litouwe, nao Wilnioes, wo 't zoea hóngerd kilomaeter van te wèste ligk. De stad haw zoea 290.000 inweuners in 2018. Ze ligk ane Memel. In 't Interbellum was 't de houfstad van 't landj, went Wilnioes huuerdje toe bie Pole.
Kaunas ligk op 't puntj wo de revere de Neris enne Nemunas samekómmen en is al saer miensjónthaad bewóntj. Inne veertieëndjen ieëf woort de stad geneump veuren ieëste kieër, doe dao 'n börch woort geboedj es 'n verdaejiging taenge de Duutsje Orde. De plaats kreeg in 1408 stadsrechte; in 1441 sloot ze zich aan bieje Hanzestej.
Tiejes de euverhieërsjing door Róslandj innen tied vannen tsaar waas Kaunas 'n wichtige stad inne wèstelike verdaejiging van 't Róssisch Riek. De Rósse boedjen e gans nuuj stadscentrum det woort verbónje mit 't aad middelieëfs centrum mit 'ne breie boulevard van 2 km lank: de Vrieheidsboulevard (Laisvės alėja). Ouch woort de stad ómgaeve door 'ne rink van neuge forte.
Nao d'n Ieëste Werreldkrieg woort Litouwe trögk 'nen ónaafhenkelike stad. Ómdet Wilnioes in 1920 waas annexeerd door Pole woort Kaunas de houfstad van 't landj. Deze staot bleef 't behaje toet juni 1940 toe 't landj woort annexeerd dore Sovjetunie. Sieër dees annexaasje is Wilnioes weer de houfstad.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
