Heinrich Heine

Christian Johann Heinrich Heine (Dusseldörp, 13 december 1797- Paries, 17 februari 1856) waor 'ne Duutsje dichter van Joodse afkomst. E waoërt gebaore es Harry Heine, mae waoërt es sjriever bekaand oonder d'r naam Heinrich Heine. In 1825 zów e öm opportunistische raejes töt de Lutherse kerk toegetraoje zieë, mae de echte bekieëring töt 't christelek geleuf zów e pas make wie e an 't èng van zie laeve verlamd óp 't kraankebèd in Paries loog, oeë saer 1831 wónde. De oondersjtaonde feite deunt ernstig twiefele an de baovesjtaonde besjrieving. Daobie, es 'n geleufverendering dich mieë kaanse gèft es sjriever mót me zich tóch de vraog sjtèlle of de maatsjappeleke realiteet, luuj mèt 'n aander geleuf neet discrimineert óp groond daovan.

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Düsseldörper Platt, es te dit dialek sjpriks.

Heine waor 'ne vriemetselaer. Vas sjteet ooch dat e öpwoos in e gezin dat de verlichte haskalatraditie aanhóng en dat e later aanhanger waor van de Saint-Simoniste. Dit lètste waor ooch de raej waor öm nao Paries te verhuze.

Heine behoeërt töt d'r Romantiek en makde väöl ironische en sjpitsvondige gedichte die ooch allewiel nog aansjpraëke. E wèrkde soms same mèt tiedsgenote, zoewie Karl Marx.

Innerlek waor Heine 'ne paradox van ziene tied, enerzijds veulde e zich Duutsjer, anderzijds waeltdburger en dit saoërt döbbel identitete gove toendertied nog innerleke konflikte. 't Egeste saoërt dubbel geveules how e ooch ten aanzieë van 't jodendom en d'r romantiek.

Beroemd is ziene oetsjpraak dat "Wo man Bücher verbrennt, verbrennt man am Ende auch Menschen." dae es 'ne profetische väöroetblik gol väör wat later in 't 'Driejde Riek' van Hitler zów plaatsjveende.

'ne Beroemde dichbundel van häöm is Das Buch der Lieder mèt oonder aandere Die Lorelei en Im wunderschönen Monat Mai.

Charles Beltjens, oeë ooch va wert gezag dat e zich pas ech bekieërde töt 't chistelek geleuf óp zie sjterfbèd, vertaalde gedichte van häöm van 't Duutsj in 't Fraans.

Heinrich Heines Leed van de Lore-Ley

Óp muziek gezat dör von Friedrich Silcher (1837).

Ich weiß nicht was soll es bedeuten,
Dass ich so traurig bin;
Ein Märchen aus alten Zeiten,
Das kommt mir nicht aus dem Sinn.

Die Luft ist kühl und es dunkelt,
Und ruhig fließt der Rhein;
Der Gipfel des Berges funkelt
Im Abendsonnenschein.

Die schönste Jungfrau sitzet
Dort oben wunderbar;
Ihr goldnes Geschmeide blitzet,
Sie kämmt ihr goldenes Haar.

Sie kämmt es mit goldenem Kamme
Und singt ein Lied dabei;
Das hat eine wundersame,
Gewaltige Melodei.

Den Schiffer im kleinen Schiffe
Ergreift es mit wildem Weh;
Er schaut nicht die Felsenriffe,
Er schaut nur hinauf in die Höh.

Ich glaube, die Wellen verschlingen
Am Ende Schiffer und Kahn;
Und das hat mit ihrem Singen
Die Lore-Ley getan.

Bibliografie

Ege oetgaves

1821: Gedichte
1823: Tragödien nebst einem lyrischen Intermezzo (mèt: William Ratcliff, Almansor und Lyrisches Intermezzo)
1824: Dreiunddreißig Gedichte
1826: Reisebilder. Erster Teil (met: Die Harzreise, Die Heimkehr, Die Nordsee. Erste Abteilung )
1827: Buch der Lieder en Reisebilder. Zweiter Teil (met hierin: Die Nordsee. Zweite und dritte Abteilung, Ideen. Das Buch Le Grand en Briefe aus Berlin)
1830: Reisebilder. Dritter Teil (met: Die Reise von München nach Genua en Die Bäder von Lucca)
1831: Inleiding tot Kahldorf über den Adel en Reisebilder. Vierter Teil (met: Die Stadt Lucca en Englische Fragmente)
1832: Französische Zustände
1833: Über den Denunzianten. Eine Vorrede zum dritten Teil des Salons., Inleiding tot Don Quixote en Der Salon. Dritter Teil (met: Florentinische Nächte en Elementargeister)
1834: Der Salon. Erster Teil (met: Französische Maler, Aus den Memoiren des Herren von Schnabelewopski)
1835: Der Salon. Zweiter Teil (met: Zur Geschichte der Religion und Philosophie in Deutschland en d'r gedichtecyclus Neuer Frühling)
1836: Der Salon. Dritter Teil
1836: Die romantische Schule
1838: Der Schwabenspiegel
1839: Shakespeares Mädchen und Frauen en Schriftstellernöten
1840: Ludwig Börne. Eine Denkschrift en Der Salon. Vierter Teil (met: Der Rabbi von Bacherach, Über die französische Bühne)
1844: Neue Gedichte (met: Deutschland. Ein Wintermärchen)
1847: Atta Troll – Ein Sommernachtstraum
1851: Romanzero en Der Doktor Faust. Ein Tanzpoem
1854: Vermischte Schriften, 3 boeken
(met: Geständnisse, Die Götter im Exil, Die Göttin Diana, Ludwig Marcus, Gedichte 1853 und 1854, Lutetia. Erster Teil en Lutetia. Zweiter Teil)
1857 (postuum): Tragödien
1869 (postuum): Letzte Gedichte und Gedanken
1884 (postuum): Memoiren
1892 (postuum): Heinrich Heines Familienleben. 122 Familienbriefe des Dichters und 4 Bilder.

Vakliteratuur

In 1930 promoveerde Richard Mooren, dr. in de filosofie, gebaore in Reuver an de universiteet van Bonn óp de dissertatie Heinrich Heine's Wirkung in Holland ^[1]

Trivia

In Nazi-Duutsjlaand (1933-1945) waor Heine es jood en progressief vrijdenker taboe. Zie leed över de "Lorelei" waor evvel zoe populair dat 't oonmäögelek oet de populair leedsjesbundels koes werre gewaerd. Men leet 't dus sjtoeë mèt de vermelding "Dichter: unbekannt".

Referentie

[1]
Album Promotorum Limburgensium 1600-1980, blz 78, 1982

Commons

Op de pazjena Heinrich Heine van Wikimedia Commons zeen media gerelateerd aan dit óngerwerp te vènje

[1] [1]
Album Promotorum Limburgensium 1600-1980, blz 78, 1982

[1]