From Wikipedia, the free encyclopedia
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Esneux ies 'n gemeinte in de Belzje provincie Luuk, in 't arrondissement Luuk. Esneux liek aan de Ourthe, in de Condroz, óngevaer 20 kilomaeter ten zuje van de sjtad Luuk. De gemeinte haet 'n oppervlak van 34,05 km² en 13.072 inweunersj (1 januari 2006). Binne de gemeinte liek ouch de deilgemeinte Tilff. Wiejer woonkerne binne de gemeinte zint: Amostrennes, Avionpuits, Beauregard, Crévecoeur, Fêchereux, Flagothier-La Haze, Fontin-Hamay, Hony, Ham, Limoges, Mery, Monfort, Nomont-Avister, Souverain-pré, Tilff-Cortil en Sur-le-Mont.
Esneux ies 'n woongemeinte veur forenze en kènt daoneve toerisme, zjuus wie Tilff. D'r liek 'n vestiging van 't academisch hospitaal van Luuk.
Esneux besjteit oet twiè gedeiltes, hoag- en lièg-Esneux, die door 'ne sjteine trap verbónge zint. 't Lièg gedeilte liek aan de Ourthe. In 't hoag gedeilte liek de kèrk van Esneux en 't Kesjtièl Le Fy (woavan me zaet dat 't Walt Disney geïnspireerd zou höbbe bie zien kesjtièl van Doornroosje in Disneyland). D'r liegke nog 'n aantal kesjtièle in de gemeinte. Ouch zint d'r intersante grotte.
Esneux waor ónderdeil van 't Hertogdóm Limburg; 't loog in 'n gebeed dat 'n exclaaf waor binne 't Prinsbisdóm Luuk, die "au-delà des bois" geneump woort.
De gemeinte ies óntsjtange bie de gemeintefusie van 1977.
![]() |
Commons: Category:Esneux – Media gerelateerd aan dit óngerwerp |
![]() | |
---|---|
Deilgemeintes, dörper en gehuchte: Tilff · Amostrennes · Avionpuits · Beauregard · Crévecoeur · Fêchereux · Flagothier-La Haze · Fontin-Hamay · Hony · Ham · Limoges · Mery · Monfort · Nomont-Avister · Souverain-pré · Tilff-Cortil · Sur-le-Mont |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.