![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/26/Constellation_logo_white.svg/langli-640px-Constellation_logo_white.svg.png&w=640&q=50)
Constellation program
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![Thumb image](http://upload.wikimedia.org/wikipedia/commons/thumb/2/26/Constellation_logo_white.svg/640px-Constellation_logo_white.svg.png)
't Constellation program is e program vaan de NASA. Oonderdeil vaan 't program is 't oontwikkele vaan ruimtevaartuige um de Space Shuttle te vervaange en astronaute nao de Maon en meugelek zelfs nao Mars te sjikke. Op dit momint is de NASA bezig mèt 't oontwikkele vaan de Ares I-rakèt, 'n rakèt um lui mèt de ruimte in te sjikke. Es oonderdeil daovaan is in 2009 'n tesvlöch gedoon mèt de Ares I-X-rakèt. Later in de planning steit de oontwikkeling vaan de Ares V-rakèt, die bedoeld is um vrach te lancere. Daoneve weure nog 'n aontal ruimtevaartuige oontwikkeld.
't Program woort aongekondeg door president George W. Bush op 14 jannewarie 2004 in 'ne touwspraak.[1]. Deze New Vision for Space Exploration weurt gezeen es 'n antwoord op de ramp mèt de Space Shuttle Columbia, de touwstand vaan de minseleke ruimtevaart en 'n meneer um 't enthousiasme veur ruimteverkinning groeter te make. 't Gaof evels väöl kritiek, oonder aandere tot 't allein mer geld kosde en niks opleverde veur publiek nut. Op 1 fibberwarie 2010 stèlde president Barack Obama veur um 't program te stoppe in verband mèt bezuiniginge, mer dat moot nog weure goodgekäörd door 't Congres.[2] Oondaanks de bezuiniginge weurt wel 6 miljard dollar extra oetgetrokke veur de NASA veur de koumende vief jaor veur aander programme.