Anne-Marie Lizin
From Wikipedia, the free encyclopedia
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Anne-Marie Lizin (Hoei, 5 januari 1949 - Hoei 17 oktober 2015) waor 'n Belzje licentiate in de economische wetensjappe (ULg), socialistisch politica, gewaeze väörzitter van d'r Senaat en burgemeester van Hoei.
In d'r Senaat haat Lizin gezörgd vör wètgaeving óp 't vlak van de miensjerechte, wie de wèt öm gewaeld tössje partners taege te goeë, de wèt die de administratieve detentie va illigaal vraeme bekórt en 't actief keesrech bie gemèngderaodsverkiezinge an vraeme toe te kènne.
Väör de OVSE (Organisatie väör Veilighèèd en Samewèrking in Europa) deeg Lizin o.m. ónderzeuk nao Guantanamo Bay, oeëin ze oordeelde dat 't detentiecentrum gesjlaoëte moes waeëre.
Óp 8 december 2008 kriet ze tiedens 'n congres in Helsinki 'n hartaanval en mót dao direc 'n zjoeër operatie óndergoeë. In januari 2009 kieëm ze in öpsjpraak ömdat ze 'n Visa-kaart van 't Centre Hospitalier Régional Hutois (CHRH) gebroekd zów ha en wert ze tiedelek gesjorst oet de PS. Óp 16 februari kondigt ze aan dat ze truuktraejt es burgemeester van Hoei, mae blieft gemèngderaodslid en zal in 2012 mètdoeë an de vólgende verkiezinge.[1]