From Wikipedia, the free encyclopedia
Lillian Tindyebwa Munnayuganda, muwandiisi abeera mu Kampala. Ye muwandiisi w'ebitabo eby'amaanyi ng'akatabo ka Recipe for Disaster,[1] akafulumizibwa mu 1994 ng'ekitundu ku butabo bwa bw'abavubuka Fountain. Y'omu ku bammemba b'ekibiina kya FEMRITE,[2] era omutandisi w'ekitongole ky'abawandiisi ekya Uganda Faith Writers Association.[3]
Lillian Tindyebwa yagamba nti: "okuwandiika y'akuggya mu kusoma era yakula asoma bitabo ewaka. Taata wange omugenzi yali musomesa w'aLungereza newankubadde teyawandiika, yasoma nnyo. Bwennali mu pulayimale, nzijukira okusanga ekiwandiiko ekikadde ekikwata ku Bunyan's Pilgrims Progress mu bintu bye n'ekisoma. Nnali nalowooza okubeera omuwandiisi naddala mu siniya. Ku lw'ensonga ezitamanyikiddwa, olw'okubulwa abantu abamweombesa, Ssasobola kufuna mukisa kuwandiika okutuusa edda mu bulamu."
Alina Diguli ya MA in literature okuva ku Ssettendekero wa Makerere, Kampala, Uganda.
Akatabo ka Tindyebwa aka Recipe for Disaster (1994), akafulumizibwa aba Fountain Publishers, kakozesebwa mu masomero ga Ssekendule mu Uganda. K'ekamu ku butabo obw'obutundu obw'abavubuka (Fountain youth series). Awandiise obutabo bw'abaana busatu: A Day to Remember (2008), A Will to Win (2008) ne Maggie’s Friends (2008). Bwafulumizibwa aba Macmillan Publishers. Olugero lwe olumpi olwa "Looking for my Mother" lw'afulumizibwa mu kitabo ky'ebiwandiiko by'abawandiisi ab'amaanyi ekya FEMRITE, A Woman’s Voice. Endala emboozi enyimpi mu bitabo by'abawandiisi ebikungaanyiziddwa ebya FEMRITE mulimu: "Hard Truth" in Words from a Granary, "Endless Distance" in World of their Own, "Just a Note" and "Gift of a Letter", included in Talking Tales. True life stories of women, nga nakyo ky'afulumira mu bitabo bya FEMRITE mulimu "Betrayed by Fate", "Beyond the Dance and the Music", ekikwata ku FGM mu Kapchorwa, Buvanjuba bwa Uganda, ne "Dance with a Wolf" in I Dare to Say.[4][5] Yali musomesa mu musomo ogwali ku Littworld 2012, mu Nairobi.[6]
Okuva mu 2009 yali mmemba ku kakiiko k'abalamuzi abaali mu mpaka za Burt Award for African Literature for Children's Book Project for Tanzania, nga z'avugirirwa aba CODE Canada.[7] Era yayambako mu kutendeka abawandiisi abaali bazetabyemu mu kuwandiika okw'ekikugu. Ye Dayilekita w'ekitongole ky'abawandiisi ekya Uganda Faith Writers Association,[8] Ekitongole ekitendeka n'okuzimba empandiiko y'Ekikulisitaayo n'okubifulumya.
Aweereza nga lekikyala w'essomo lya Litulikya n'ennimi ez'enjawulo ku Kabale Yunivasite mu Bukiikaddyobwobuggwanjuba bwa Uganda.[9]
Mufumbo eri Stephen era balina abaana bataano. Abeera mu Kampala, Uganda.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.