From Wikipedia, the free encyclopedia
Irene Ntale (yazaalibwa nga 30 Ogw'oluberyeberye 1989)mu nna Yuganda omuyimbi, omuwandiisi w'ennyimba, era omukubi w'ennanga .[1] Ayimba RnB, Lege, n'eza bbandi.[2]
Ntale yazaalibwa nga 30 Ogwoluberyeberye 1989 mu maka ga George William Ntale ne mukyala we. Yatandika okuyimba ku ssomero ne mu kkanisa mu kkwaya gye yayigira n'osuna endongo.[2] Yasomera ku Kitante Primary School ne yeeyongerayo ku Kitante Hill School gye yatuulira S.4, Makerere High kati eyitibwa Migadde College gye yatuulira S.6. Yatikkirwa Diguli eya Bachelor of Procurement and Logistics Management mu Kyambogo University.[3]
Okuyimba yakutandikira mu ssomero ne mu kkwaya y'ekkanisa gye yayigira n'okukuba endongo.[2] Yayimbanga ku bivvulu eby'enjawulo ng'ayimba nnyimba za bayimbi balala okutuusa lwe yeegatta ku Swangz Avenue. Okuva olwo, Ntale ayimbye ennyimba ezicaase omuli: "Gyobera", "Love letter" lwe yayimba e Bebe Cool, "Stay with me", "Nkubukinze" ne "Olindaba".[4][5]
Akyaziddwako ku TV ya Focus on Africa.[6][7] Ye ambasada wa kampeyini ya kkampuni ya Uganda Breweries Limited eyitibwa Red Card to Drunk Driving. [8][9]
Ku ntandikwa ya 2019, nga Ntale akyaddeko mu kibuga kya Nigeria ekikulu Lagos emirundi egiwera, waaliwo ebyayogerwa nti yali atandise enteeseganya n'aba kkampuni ya Universal Music Group ey'e Nigeria era nga 21 Ogwomunaana 2019, yateeka omukono ku ndagaano ne kkampuni eno,[10] ne kimufuula omuyimbi wa Uganda eyasooka okuwandiisibwa kkampuni eno.[11] Kkampuni yawandiika obubaka obwaniriza Ntale ng'ebuyisa ku mukutu gwayo omutonngole ogwa Instagram mwe yagambira nti: “Tukwanirizza mu famire yaffe!! Naabakyala wa Uganda, @irene_ntale. Luno olugendo lutandika butandisi....”.[12]
Ntale yafulumya oluyimba lwe olwasooka wansi wa kkampuni eno lwe yatuuma, Nyamba.[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.