From Wikipedia, the free encyclopedia
Allan Toniks ng'amannya ge amatuufu gebaamuwa oluvannyuma lw'okumuzaala ye Allan Ampaire muyimbi omunayuganda, awandiika ennyimba okusuna entongooli oba endongo wamu n'okufulumya ennyimba ezibeera zikwatiddwa ku butaambi.[1][2][3] Akozeeko n'ayimbako ku siteegi y'emu n'abayimbi bawano ssaako n'abensi z'ebweru okuli ebibiina by'abayimbi nga ekya Goodlyfe Crew, P Square, General Ozzy okuva mu ggwanga lya Zambia, Proff okuva mu Kenya, Petersen Zagaze nga naye w'e Zambia, Urban Boyz, Gal Level nga b'e Namibia, Beenie Man, Genista, okuva mu Jamaica Sean Kingston, Jidenna, Sean Paul, Roberto okuva mu Zambia, Stella Mwangi wamu ne Flavour N'abania nga bano bombi b'e Nigeria.[2] Alondedwako wamu n'okuwangula ebirabo oba awaadi ez'enjawulo.[2] Asibuka mu bugwanjuba bwa Uganda nga muno mwemuli n'abayimbi abalala nga Juliana Kanyomozi, Angella Katatumba ne Ray G.
Toniks yazaalibwa Berinda Edward eyali omusawo nemukyala we Mrs Berinda Josephine mu disitulikiti y'e Mbarara ng'era yatandika okuyimba ng'akyali kusomero ng'eno gyeyayigira n'okusuna entongooli oba giyite endoongo ng'era alina abaana bana. Yasomera ku Mbarara Preparatory School gyeyasomera pulayimale ng'era gyeyatuulira P.7, oluvannyuma neyeegata ku King's College Budo ng'eno gyeyamaliriza S.4, wabula nga S.6 yagituulira ku Ntare School
nga tanaba kwegata ku Makerere University Business School (MUBS) gyeyatikirwa mu mwaka gwa 2011 ne diguli mu bya bizineensi ku muntendera gw'ensi yonna.[3]
Ytandika okuyimba n'okuwandiika ennyimba bweyali akyali kusomero wabula ng'okwenyigiramu okwadala ekirowoozo yakifuna ali ku yunivasite[3] gyeyakwatika akatambi ke akaali kasooka kebaali bayita Beera nange.[4] Asobola n'okusuna entogooli oba giyite endoongo[5] nga n'ebiseera ebisinga yeefulumiza ennyimba ezizze[1] wansi wa kampuni eyiye gyebayita Vibrations.[4] Toniks atwala engeri gy'akubamu muziki we okubeera ng'agwa mutuluba lya Urban R&B.[3] Toniks yeetaba, era n'awangula empaka z'omwaka gwa 2015 eza Airtel Trace Music Star Competition, ezaali ez'okunoonyezaamu abayimbi abalto abalina ebitone zebaali bayita the Celebrity Edition.[6][7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.