америкадин актёр From Wikipedia, the free encyclopedia
Ро́бин Макло́рин Уи́льямс (ингл. Robin McLaurin Williams; 1951 йисан 21 чиледиз, Чикаго, Иллинойс — 2014 йисан 11 пахундиз, Тибурон, Калифорния) — америкадин актёр ва стэндап-комик я. Пудра «Оскар» премиядин номинант, виридалайни хъсан итемрин ролдин патахъай, Уильямсди «Кьегьал Уилл Хантинг» къугъванвай кьведлагьай пландин итемрин ролдин патахъай статуэтка къачуна. ГьакӀни ада кьведра «Эмми» премия, кьудра «Къизил глобус» премия, кьведра Актеррин гильдиядин премия, вадра «Грэмми» премия къачуна[6][7].
Робин Уильямс | |
|---|---|
| Robin Williams | |
.jpg) | |
| Хьайила ганвай тӀвар | Robin McLaurin Williams |
| Дидедиз хьайи чӀав | 21 июль 1951 |
| Дидедиз хьайи чка | Чикаго, Иллинойс, АСШ |
| Кьиникьин чӀав | 11 август 2014 (63 йиса) |
| Кьиникьин чка | Тибурон, Калифорния, АСШ[1] |
| Гьукумат |
 АСШ |
| Пеше | актер, ван авун, кинопродюссер |
| Буба | Роберт Фицджеральд Уильямс |
| Диде | Лори Уильямс |
| Гъуьл-пабвал | Valerie Velardi, Марша Гарсес[2] ва Сьюзэн Шнайдер[3][4] |
| Мукьвади | Зак Уильямс, Зельда Уильямс[5] ва Коди Уильямс |
| Пишкешар |
«Оскар» (1998) «Къизил глобус» (1979, 1988, 1992, 1994, 2005) «Эмми» (1987, 1988) |
| Сайт | RobinWilliams.com |
 Викигьамбарда авай шикилар | |
«Август Раш», «Кьве виш йиса авай инсан», «Хиялри гьиниз гъизватӀа», «Чан сагъардай Адамс», «Миссис Даутфайр», «Джуманджи» ва маса фильмра Робина къугъванвай ролри кьетӀен тӀвар-ван авайвал къачуна[8]. Вири вичин актердин карьерадин къене ада саки 300 кинокартинада «шикилар чӀугвана», эхирдалди кӀвалах акъвазар тавуна[9], до последнего не прекращая работать[10].
1951-лагьай йисан 21-лагьай чиледиз[11] Чикагода Робин Маклорин Уильямс[12][13] вичин дидедиз хьана. Адан буба, Роберт Фицджеральд Уильямс (1906-лагьай йисан 10-лагьай мара — 1987-лагьай йисан 18-лагьай баскӀум), Юкьван РагъакӀидайпатан АСШда Ford Motors компаниядин чӀехибурукай сад тир, диде, Лори Маклорин Уильямс (хзандин тӀвар — Смит, 1922-лагьай йисан 24-лагьай мара — 2001-лагьай йисан 4-лагьай мара), вич Нью-Орлеандай тир, Миссисипи штатдин сенаторни губернатор Ансельм Маклориндин птул тир[14], — виликан модель тир[15]. Робинан дамарра инглис, вэлсдин, ирландиядин, шотландиядин, германиядин, франциядин иви авахьзавай тир[16][17][18]. Робиназ кьве тахай стха тир: Роберт Тодд Уильямс (1938-лагьай йисан 14-лагьай кьамуг — 2007-лагьай йисан 14-лагьай пахун) ва Маклорин Смит[19].
Робиназ Епископал клисадин диндин тербия ганва, гьакӀ ятӀани адан диде Христианвилин илимдин патал алайди тир[20][21] (са кьадар чӀавалай Робина «Епископал клисада хьун патал цӀуд себеб» тӀвар алай хъуьруьрдай сиягь акъудна)[22].
Адан буба Детройтдиз маса кӀвалахал алудунилай кьулухъ, хзан Чикагодай Блумфилд-Хиллс (Мичиган штат) агъашегьерда авай 40 кӀвал авай кӀвализ экъечӀна. Ана Робина Детройтдин округдин йикъан мектебда кӀелиз гатӀумна[23]. Робинан 16 йис тамам хьайила, адан буба чӀавалай вилик пенсиядиз экъечӀна ва хзандихъ галаз Вудакр шегьердиз (Марин округ, Калифорния) яшамишиз хъфена. Ана Робин мукьвал алай Ларкспурда авай Редвуддин юкьван мектебдиз гьахьна. ГьакӀни ада Клермонтдин итемрин колледжда кӀелзавай тир[24]. Ара атӀай чӀавуз Маринан Колледжда театрдин устӀарвилин тарсар къачузвай тир[25].
Са арадлай, интервьюда, вичикай Робина икӀ лагьана: «зун регъуьвал муьтӀуьгъриз тежер секин аял тир», адахъ галаз санал юкьван мектебда драмадин тарсар къачузвайбуру адакай «виридалайни хъуьруьрдай ругул я»[26] лугьузвай тир. Аял чӀавуз ягьанатрикай кьил къакъажун патал ам чара-чара рекьералди кӀвализ хъфена агакьзавай тир[27], хъуьруьн гъун ва фикир чӀугун патал Робина дидедиз хкетӀар ахъайзавай тир[28]. Саки вири мажал авай чӀав ада кьилдивиле чӀехи кӀвале тухузвай тир. «Аял чӀавуз захъ кьилди сад тир галайди, зи кьилди сад тир кӀили (дуст) зи хиялар тир»[29]. Са кьадар чӀавалай Уильямсди, я адан бубадихъ, я адан дидедихъ адаз тербия гун патал мажал авачир гъиляй ам кӀвалин къуллугъчийриз «заминвиле» вугузвай тир, лагьана[30].
1973-лагьай йисуз Робин Джульярд мектебдиз кьабулнава. Джон Хаусманан регьбервилик драмадин устӀарвал кӀелун патал Уильямс Нью-Йоркдиз хъфена. КӀелунин кӀватӀалдик 20 студент акатзавай тир, абурун арада Кристофер Ривни авай тир[31]. КӀелунин чӀаван къене ада йифен клубра хъвер къведай программаяр къалурзавай тир, гьакӀни официантвиле кӀвалахзавай тир[32]. 1976-лагьай йисуз[33] Мектеб акьалтӀдилай кьулухъ ам Лос-Анджелесдиз экъечӀна. Гьана ада са шумуд телешоуда вичин экъечӀунар къалурна[34]. Гуьгъуьнлай, адан муаллим Джим Данна лагьана: «сценадал ам кукӀваллаз авай тир, адаз сергьятар авачир. Ахпа ада чна колледжда къалурзавай пьесар алава ийизиз эгечӀна. Гьа чӀавуз адан талантдин чун гъавурда акьуна. Адавай гьар гьи чкадал хьайитӀани, гьар гьи роляр хьайитӀани ва гьар гьи шартӀарра хьайитӀани къугъваз жезва»[35].
Актердин сифтени-сифте сценадал арадал акъатунар 1970-лагьай йисарин сифте паюниз талукь я. Робина стенд-ап-камеди-шоудин жанрда гатӀумзавай тир. Вичин садлагьай экъечӀун «Holy City Zoo» клубда хьана[36]. Са кьадар чӀавалай Робина ахъазвай тир «заз наркотики ва бахтлувал вучар ятӀа чир хьана» ва «чи чӀаван виридалайни чӀехи акьул авай ксар чеб гьикӀ кьацӀурнаватӀа заз акуна»[37]. Лос-Анджелесдиз куьч хьайидалай кьулухъ, Робина чара-чара клубра экъечӀунар ийиз давамарна, гьа гьисабдик «Comedy Club»-дани. Телепродюссер Джордж Шлаттердиз Робина къалурзавай тамашаяр хуш хьана ва адан талант килигна кьатӀуз хьана. Гьавиляй Шлаттерди мад цӀийиз арадал гъанвай «Laugh-in» шоуда иштираквал авун патал Уильямсдиз эверна. Садлагьай эфир 1977-лагьай йисан эхирда хьана, ам Робинан ТВ-дебют тир[37]. Амма шоу цӀийи хъийиз хьаначир. Уильямсди «The Roxy», «The Improv»[38] ва маса комедиядин клубра вичин тамашаяр къалуриз давамарна. И экъечӀунри Робиназ вичин импровизациядин бажарагъвилерин хцивал хуьз куьмекарна[37][39].
1978-лагьай йисуз Уильямс яргъалди амукь тийир «Ричард Прайоран Шоудин» актеррин ибаратдик квай. Робина са яб акалунда иштараквал авуна. Ана авай сериалар акъуддайбур Робинакай таъсир хьана[40] — сад лагьай чка кьунин чкадал, Уильямсди вири и чӀаван къене кьилел акъвазнавай тир. Яб акалунин нетижада Робиназ «Бахт авай йикъар» сериалдиз эверна. Робина 5-лагьай сезондин са шумуд серияда чара планетадай тир Моркдин[41] роль къугъвана.
Килигунин агалкьунрилай кьулухъ кьилди Робин Уильямсдин патахъай дибвилин сериалдикай шоу-чхел «Морк ва Минди» авуна[42]. Робина Чилиз чкадин уьмуьр чирун патал Орк планетадай атанвай Моркдин къугъваз давамарна. 1979-лагьай йисан 12-лагьай ибнедиз «Time» журналдин (АСШдин кӀвенкӀве аваз фидай цӀийи чавар (хабарар) гудай журнал) вилик чинал акъатнавай Робинан шикил — сериалди жагъай агалкьунрин символ я.[43][44] 1982-лагьай йисуз шоу агална, гьа чӀавалди Уильямсдикай тӀвар-ван авай актер хьанва. Адан суьретарни шикилар плакатрал, нагьаррин кьватийрал ва маса затӀарал алай тир[45].
ЧӀехи кинода Уильямсдин дебют 1977-лагьай йисуз[46] хьана — жизви аквадай адвокатдин роль «Заз айнаяр герек жедалди, завай и кар ийиз жедани?» фильмда[47]. Са шумуд эпизод тир ролрилай кьулухъ ада Роберт Олтменан «Попай» фильмда кьилин рол къугъвана — шпинатдал рикӀ алай гьуьлуьхъан Попай. Ам адан садлагьай халисдаказ рикӀел аламукьдай роль хьана[48]. Кинокритик Роджер Эбертди|, михьиз чӀалахъардай вилер чапрас, патахъ хъвер квай Уильямсди и фильм Олтменан музыкадин комедия жанрдин виридалайни чӀехи хазинадив элкъуьруниз куьмек авуна, лугьузвай тир[49]. Фильм килигдайбурун арада зурба агалкьун аваз тир. Месэла, бюджет 20 млн[50] АСШдин доллар тир, гьа чӀавуз кӀватӀнавай пулар — 49 млндилай[51] 60 млндал кьван[52] млн АСШдин хьана.
1987-лагьай йисуз ада Барри Левинсонан «Экуьнин хийирар, Вьетнам» фильмда диджейдин роль къугъвана. Адан нетижада Уильямсдихъ тӀвар-ван авайвал хьанва, гьакӀни ада «Оскардиз» номинация къачунва.
1991-лагьай йисуз Робин Уильямсди диснейдин «Аладдин» мультфильмда джиннан ван авуна. Гуьгъуьнлай ада мультфильмдин пудлагьай паюна мад джинан ван авуна (кьведлагьай паюнани мультсериалда адан чкадал Ден Кастелланета тир). Ролрин чӀехи пай Робина комедийра къугъвана. «Оскардиз» кьве номинация адаз муаллимдин ролди Кьейи шаирин жемят (1989) фильмдани дилидан ролди Гъетерхъан тир Пачагь (1991) фильмда гъанва.
1998-лагьай йисуз ам кьведлагьай пландин итемрин ролдин патахъай «Оскар» гвай кас хьана. Адаз статуэтка «Кьегьал Уилл Хантинг» фильмда психопатан роль къугъунин патахъай гана. 1991-лагьай йисуз Айзек Азимован эсердал эцигнавай «Кьве виш йиса авай инсан» тӀвар алай фильмда кьилин роль къугъвана. Ада инсан жез кӀанзавай роботан роль къугъвана.
1976-лагьай йисуз Сан-Францискода модель ва актриса Валерия Велардидал гьалтна. Гьа чӀавуз Робина мукьан (чкадин) тавернада барменвиле кӀвалахзавай тир. 1978-лагьай йисан 4-лагьай кьамугдиз абур паб-гъуьл хьана[53]. 1983-лагьай йисуз Валерияди адаз хва Закари Тим Вилиамс хана. 1984-лагьай йисуз Вилиамс официантка Мишел Тиш Картердихъ галаз некягь алачиз хьайи алакъадик квай тир[54][55]. 1988-лагьай йисуз санал тухванвай 10 йисалай кьулухъ Вилиамс ва Веларди чара хьана[56]..
1989-лагьай йисан 30-лагьай апрелдиз Робина Закаридихъ гелкъведайди Марше Гарсес вичиз паб яз къачуна. Гьа чӀавуз ам Вилиамсан аял руфуна аваз авай тир. Гьа эвленмишвиле адаз кьве аял хьана: руш Зелда Рей (1989-лагьай йисуз хьайиди) ва хва Коди Аллен (1991-лагьай йисуз хьайиди). 2008-лагьай йисан ибнедиз, сад-садав акьалтӀай такьурвал шагьид яз къалурна, Гарсеса чара хьуниз арза гана[55][57]..
Официал рекьелди Робин пудлагьай гъилера 2011-лагьай йисан 23-лагьай баскӀумдиз эвленмиш хьана. Адан цӀийи паб Суьзен Шнайдер графикадин дизайнер тир. Церемония Калифорния штатдин Сент-Гьелен шегьерда тухвана[58]. Вилиамсдин фикирдалди, а цӀийи рафтарвилери вичиз депрессийрикай хкатиз куьмек гана кӀанзавай тир[59]. Гъуьлни паб Сан-Франциско шегьердин Сеа-Клифф лугьудай районда яшамишзавай тир[55][60].
Джулиард мектебда кӀелдайла Вилиамсни Кристофер Рив кӀилияр хьана. 1995-лагьай йисуз бахтсуз дуьшуьш хьайидалай кьулухъ (Рив балкӀандалай аватунин гъиляй фалужди ягъна) абур мадни кӀевиз кӀилияр хъхьана. Вилиамсди мукьвал-мукьвал адал кьил чӀугвазвай тир, хъуьруьрзвай тир, адан рикӀ кӀеви ийизвай тир, гьатта чӀехи депрессиядикай хкудна. 62-лагьай «Къизил глобусар» вугунин церемонияда Вилиамсди адаз Сесил Б. Де Миллан премия талукьарна. ГьакӀни ада Christopher and Dana Reeve Foundation лугьудай хзандин фондунин Директоррин шурадин уртах хьана ва кӀилидин кӀапӀалдин пад хуьзвай тир. И кардин гъиляй садакьайрин кьадар лап чӀехи хьана. Кристофер Риван медицинадин страховка акьалтӀарайдалай кьулухъ Вилиамсди адаз вири герек тир пулар гана. Кристофер Рив 2004-лагьай йисуз рагьметдиз фена. ГьакӀни, Риван хендеда, Дана, 2006-лагьай йисуз кьейидайлай кьулухъ, Вилиамсди абурун 14 йиса авай хва Вилиямдиз вири патарихъай куьмек гана.
2014-лагьай йисан 11-лагьай пахундиз 11:55 (чкадин чӀав) Уильямс вичин кӀвале Тибурон шегьерда (Калифорния) вич-вичел алачир гьалда жагъанва. 12:02-диз кьиникь тестикь хьанва.[61][62] Марин округдин шерифди Уильямсдин кьиникьин мумкин тир себеб асфиксия (нефес кьун) ятӀа малумат гана.[63][64] Амма кьиникьин акьалтӀдай себеб кьилди са 12-лагьай пахундиз хьна кӀандай суддини медицинадин экспертизани токсикологиядин тест авурдалай кьулухъ жагъиз жеда[65].
Уильямсдиз ичкидихъни наркотикрихъ галаз проблемар авай тир. Са вацран идалай вилик Линдстром шегьерда (Миннесота) реабилитациядин юкьва «эрекь хъван тийир гьал хуьнуьхин» патахъай программа тухвана.[66]
Актердин кьилдин публицистди Уильямсди «четин депрессиядихъ женг чӀугвазвай тиртӀа» малумат гана, амма ада жува-жув кьиникай гузвай малуматар тестикьарнач.[67]
Робинан папа Сьюзэн Шнайдерди лагьана: «Зун зи гъуьлни рикӀин кӀили галачиз амукьна, дуьнья — виридалайни рикӀ алай артистрикай сад ва лап хъсан инсан. Зи рикӀ атӀана».[68]
Пара тӀвар-ван ван инсанри, адан дуст комик Стив Мартин кваз, Робин Уильямсдиз гьурмет авуна. Стив Мартина твиттерда кхьена: «Робин Уильямсдин — халис, рикӀивай тир инсандин, кьетӀен чӀехи талантдин, сценадихъай зи сакарвидин — кьиникьдивай заз кӀевиз таъсир тийиз жезвачир».[69][70]
АСШдин Президент Барак Обамади Робин Уильямсдикай лагьана «и жуьредин ксар мад авач» ва «ам инсанрин руьгьдин гьар бицӀи паюник кянвай кас я».[71]
 |
Робин комедиядин марфад тӀурфан тир, чи хъверни адан пад кьазвай — цавун ван. Стивен Спилберг |
 |
|
Робиндилай тӀвар михьи инсандал зун мад гьалтнач. Адан везифа, артистан хьиз, виридан гуьгьуьлар хкажун, инсанар бахтлу авун. Адаз чун вири кӀанзавай тир, чазни ам кӀанзавай тир Джон Траволта |
|
| Йис | Фильм | ТӀварцӀин чешне | Роль |
|---|---|---|---|
| 1977 | Заз айнаяр герек жедалди, завай и кар ийиз жедани? | Can I Do It 'Till I Need Glasses? | тӀазвай сарар авай адвокат / инсан — дебют кинода |
| 1980 | Попай | Popeye | Попай |
| 1982 | Дуьнья Гарпдив кьурвал | The World According to Garp | Гарп |
| 1983 | Сагъдиз амукьунин мектеб | The Survivors | Дональд Куинелл |
| 1984 | Гудзондал алай Москва | Moscow on the Hudson | Владимир Иванов |
| 1986 | Клуб «Женнет» | Club Paradise | Джек Моникер |
| Виридалайни хъсан чӀавар | The Best of Times | Джек Данди | |
| Югъ кьун | Seize The Day | Томми Вильгельм | |
| 1987 | Экуьнин хийирар, Вьетнам | Good Morning, Vietnam | Эдриан Кронауэр |
| 1988 | Барона Мюнхгаузендин кьилел атай вакъиаяр | The Adventures of Baron Munchausen | король Луны |
| Лап хъсан гъуьл-пабвилин портрет | Portrait of a White Marriage | продавец кондиционеров | |
| Къуьрен япар: Пекос Билл | Rabbit Ears: Pecos Bill | кьиса ахъайзавайди (ван авун) | |
| 1989 | Кьейи шаиррин жемят | Dead Poets Society | Джон Китинг |
| Зун Голливуддай я | I’m from Hollywood | камео | |
| 1990 | Кадиллакдавай инсан | Cadillac Man | Джой О’Брайен |
| Ахваррай аватун | Awakenings | духтур Малкольм Сэйер | |
| Аламатрин Уьлкведиз хтун | Back to Neverland | камео | |
| 1991 | Мад кьин | Dead Again | духтур Кози Карлайл |
| Пачагь-гъетерхъан | The Fisher King | Пэрри | |
| Капитан Крюк | Hook | Питер Беннинг (чӀехи Питер Пэн) | |
| Къуьрен япар: Дурак и Летучий корабль | Rabbit Ears: The Fool and the Flying Ship | кьиса ахъайзавайди (ван авун) | |
| 1992 | Къугъунар | Toys | Лесли Зиво |
| Аладдин | Aladdin | Джинн / маса гудайди (ван авун) | |
| Хронометрист | The Timekeeper | Хронометрист | |
| Къижийрин дугун: Эхиримжи тропикрин там | FernGully: The Last Rainforest | Бетти Кода (ван) | |
| Клоун Шейкс | Shakes The Clown | Марти Фромэдж | |
| 1993 | Миссис Даутфайр | Mrs. Doubtfire | Дэниэл Хиллард / Миссис Даутфайр |
| 1994 | Инсан хьун | Being Human | Гектор |
| Духтур Севсдин жагъурунар | In Search of Dr. Seuss | буба | |
| 1995 | Джуманджи | Jumanji | Алан Пэрриш |
| Вонг Фу, вири крарин патахъай сагърай! Джули Ньюмар | To Wong Foo Thanks for Everything, Julie Newmar | Джон Джейкоб Джинглхеймер Шмидт | |
| КӀуьд варз | Nine months | духтур Косевич | |
| 1996 | Гамлет | Hamlet | Озрик |
| Чинебан агент | The Secret Agent | «Профессор» | |
| Джек | Jack | Джек Пауэлл | |
| НуькӀрен патал кьефес | The Birdcage | Арманд Голдман | |
| Аладдинни къачагърин пачагь | Aladdin and the King of Thieves | Джинн (ван) | |
| 1997 | Кьегьал тир Уилл Хантинг | Good Will Hunting | Шон Магуайр |
| Флаббер | Flubber | профессор Филип Брайнард | |
| Гарри чукӀурун | Deconstructing Harry | Мел | |
| Бубад югъ | Fathers' Day | Дэйл Патли | |
| 1998 | Чан сагъардай Адамс | Patch Adams | Хантер Адамс |
| Хиялри гьиниз гъизватӀа | What Dreams May Come | Крис Нильсен | |
| Къагьбе папан кефинин межлис | Junket Whore | камео | |
| 1999 | Кьве виш йиса авай инсан | Bicentennial Man | Эндрю Мартин |
| Якоб-тапархъан | Jakob the Liar | Якоб Хейм / Кьиса ахъайзавайди | |
| 2000 | Жув кьиле тухунин тегьер | Model Behavior | Фэйрмайн |
| 2001 | ТӀебии тушир акьул | A.I. Artificial Intelligence | Духтур Ноу (ван авун) |
| 2002 | Ратлз 2 | The Rutles 2: Can’t Buy Me Lunch | Ханс Хёнки |
| Ахвар татун | Insomnia | Вальтер Финч | |
| Смучи рекьин | Death to Smoochy | Рандольф «Яргъируш» Смайли | |
| Шикил ягъун са сятдиз | One Hour Photo | Сэймур «Сэй» Пэрриш | |
| 2004 | Ноэль | Noel | Чарли Бойд |
| Алатай чӀаварин сирер | House of D | Папа | |
| АкьалтӀай монтаж | The Final Cut | Алан Хэкмэн | |
| 2005 | ЧӀехи лацу хиве гьатнавайди | The Big White | Пол Барнелл |
| Аристократар | The Aristocrats | камео | |
| Роботар | Robots | Тормоз | |
| 2006 | Йисан инсан | Man of the Year | Том Доббс |
| Йиф музейда | Night at the Museum | Теодор Рузвельт | |
| Ката | Happy feet | Рамон / Ловелас (ван) | |
| Винел пад къачурди | Everyone’s Hero | Наполеон Кросс | |
| Чархараллай кӀамайд кӀвал | RV | Боб Монро | |
| Йифен яб гузвайди | The Night Listener | Габриэль Нун | |
| 2007 | Гъуьл-пабвилиз лицензия | License to Wed | Реверенд Франк |
| Август Раш | August Rush | Максвел «Колдун» Уолес | |
| 2009 | Йиф музейда 2 | Night at the Museum: Battle of the Smithsonian | Теодор Рузвельт |
| Дуьньяда виридалайни кьетӀен чӀехи буба | World’s Greatest Dad | Лэнс Клейтон | |
| Психоаналитик | Shrink | Джек Холден | |
| Са гьалда тухванвай рухсат | Old Dogs | Дэн Райбёрн | |
| 2011 | Ката 2 | Happy Feet Two | Рамон / Ловелас (ван авун) |
| Чапла патан сцена | Stage Left | камео | |
| 2012 | Луи | Louie | камео (эпизод «Barney/Never») |
| 2013 | ЧӀехи мехъер | The Big Wedding | буба Монайвэн |
| КӀанивилин чин | The Face of Love | Роджер | |
| Дворецкий | The Butler | Дуайт Эйзенхауэр | |
| 2014 | Бульвар | Boulevard | Нолан Мак |
| И пакамахъ Нью-Йоркда | The Angriest Man in Brooklyn | Генри Элтман | |
| Это, блин, рождественское чудо | Merry Friggin' Christmas | Митч | |
| Йиф музейда 3 | Night at the Museum 3 | Теодор Рузвельт | |
| 2015 | Вири ваз кӀандайвал жеда | Absolutely Anything | «Дэннис» лакӀаб алай кицӀ (ван авун) |
| Пишкеш | Йис | Категория | Фильм/Телесериал | Нетижа |
|---|---|---|---|---|
| Оскар | 1988 | Виридалайни хъсан итемрин роль | Экуьнин хийирар, Вьетнам | Номинация |
| 1990 | Виридалайни хъсан итемрин роль | Кьейи шаиррин жемят | Номинация | |
| 1992 | Виридалайни хъсан итемрин роль | Пачагь-гъетерхъан | Номинация | |
| 1998 | Виридалайни хъсан кьведлагьай пландин итемрин роль | Кьегьал тир Уилл Хантинг | Гъалибвал | |
| BAFTA | 1989 | Виридалайни хъсан итемрин роль | Экуьнин хийирар, Вьетнам | Номинация |
| 1990 | Виридалайни хъсан итемрин роль | Кьейи шаиррин жемят | Номинация | |
| Къизил глобус | 1979 | Виридалайни хъсан итемрин рольдин патахъай телесериалда (комедия тахьайтӀа мюзикл) | Морк и Минди | Гъалибвал |
| 1980 | Виридалайни хъсан итемрин рольдин патахъай телесериалда (комедия тахьайтӀа мюзикл) | Моркнии Минди | Номинация | |
| 1985 | Виридалайни хъсан итемрин рольдин патахъай (комедия тахьайтӀа мюзикл) | Гудзондал алай Москва | Номинация | |
| 1988 | Виридалайни хъсан итемрин роль комедиядани мюзиклда | Доброе утро, Вьетнам | Гъалибвал | |
| 1990 | Виридалайни хъсан итемрин роль драмада | Кьейи шаиррин жемят | Номинация | |
| 1991 | Виридалайни хъсан итемрин роль драмада | Ахварай аватун | Номинация | |
| 1992 | Виридалайни хъсан итемрин роль комедиядани мюзиклда | Пачагь-гъетерхъан | Гъалибвал | |
| 1994 | Виридалайни хъсан итемрин роль комедиядани мюзиклда | Миссис Даутфайр | Гъалибвал | |
| 1998 | Виридалайни хъсан кьведлагьай пландин итемрин роль | Кьегьал Уилл Хантинг | Номинация | |
| 1999 | Виридалайни хъсан итемрин роль комедиядани мюзиклда | Чан сагъардай Адамс | Номинация | |
| 2005 | Сесиля Б. Де Миллян премия | Гъалибвал | ||
| Эмми | 1979 | Виридалайни хъсан итемрин роль комедиядин телесериалда | Моркни Минди | Номинация |
| 1987 | Виридалайни хъсан экъечӀун варьетеда тахьайтӀа музыкадин программада | Кэрол, Карл, Вупини Робин | Гъалибвал | |
| 1988 | Виридалайни хъсан экъечӀун варьетеда тахьайтӀа музыкадин программада | ABC Presents: A Royal Gala | Гъалибвал | |
| 1994 | Драмадин телесериалдиз виридалайни хъсан эвернавай актёр | Тажуб ийидай хел | Номинация | |
| 1996 | Виридалайни хъсан экъечӀун варьетеда тахьайтӀа музыкадин программада | Хъуьруьнралди гьал секинрун 7 | Номинация | |
| 2003 | Виридалайни хъсан варьетедин тахьайтӀа музыкадин программадин сценарий | Робин Уильямс — «Вживую: Бродвей» | Номинация | |
| Виридалайни хъсан экъечӀун варьетеда тахьайтӀа музыкадин программада | Робин Уильямс — «Вживую: Бродвей» | Номинация | ||
| 2008 | Драмадин телесериалдиз виридалайни хъсан эвернавай актёр | Къанунни къайда: КьетӀен корпус | Номинация | |
| 2010 | Виридалайни хъсан варьете тахьайтӀа музыкадин программа | Робин Уильямс: Жува жув терг ийидай яракь | Номинация | |
| Актеррин гильдиядин | 1998 | виридалайни хъсан кьведлагьай пландин итемрин рольдин патахъай | Кьегьал тир Уилл Хантинг | Гъалибвал |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
