Дарги чӀалар
From Wikipedia, the free encyclopedia
Дарги чӀалар — дарги этносдик акатзавай пара кьадарда гъвечӀи халкьарин хайи чӀаларин ва нугъатрин кӀватӀал. Асул гьисабдалди Дагъустанда чкӀанва. Нах-дагъустандин чӀаларин хзандик акатзава. Вири дарги нугъатрин (ва я чӀаларин) арада авай чӀехи тафаватдиз килигна абуру са-сад гъавурда акьазвач, гьавиляй чара-чара дарги миллетар сад-садахъ галаз урус чӀалал рахазва. Тажубардай кар ам я хьи, гьатта са райондин къене авай кьве къунши дарги хуьрерин эгьлияр чара чӀаларал рахазвай дуьшуьшарни жеда.
Дарги чӀал | |
Вичин тӀвар: |
Дарган мез |
---|---|
Уьлквеяр: | |
Официал статус: | |
Рахазвайбурун кьадар: |
500 агъзур кьван кас |
Классификация | |
Категория: |
Евразиядин чӀалар |
| |
Кхьинар: |
кирилл графика |
ЧӀаларин кодар | |
ISO 639-1: |
— |
ISO 639-2: |
— |
ISO 639-3: |
dar |
1-й номердив къейднавай рангуналди дарги чӀалар чкӀанвай чкаяр къалурнава |
2010 йисуз дарги чӀаларал рахазвайбурун вири санал кьадар — 485 705 кас тир. Рахазвайбурун кьадардиз килигна Дагъустанда кьведлагьай чкадал ала.
Дарги чӀаларал Дагъустанда газетар ва журналар акъатзава: Замана, Шила гӀямру, Эркиндешличи, Сагаси гьуникад, Бархьдешла гьуни, Хайдакьла зяхӀматчи, Мургукла анкъи — газетар; Дагъиста хьунул адам, Гьалмагъдеш, Дубурлан, Лачин — журналар.
Эдебиятдин дарги чӀал акуша нугъатдал туькӀуьрнава. Акуша нугъат (ва я чӀал) дарги чӀаларикай виридалайни чӀехиди я.