From Wikipedia, the free encyclopedia
Эфендиев Осман Мамедан хва — лезги шаир ва алим.
Алим 1912 йисуз Куьре магьалдин Штул хуьре дидедиз хьана. Ада сифте вичин буба Мегьамедавай кӀелиз-кхьиз чирна, ахпа хуьруьн мектебда, Дербентдин педтехникумда, Азербайжандин пединститутда кӀелна. Москвада аспирантура куьтягьна, гзаф йисара меркездин институтра кӀвалахна, философиядин илимрин кандидатвилин ва докторвилин дережаяр къачуна. Вишелай виниз илимдин макъалаярни ктабар кхьена ва чапдай акъудна. ЦӀийи несилриз дерин чирвилер ва тербия гана. Алимдиз лезги, урус, араб, туьрк, азербайжан, инглис, фарс ва немец чӀалар чидай. Осман Мегьамедович жегьил вахтарилай шиирар, гьикаяяр ва повестар теснифунал машгъул хьана: «Дагъустандин кесибар» газетдиз макъалаяр, гьикаяяр ва "Дагълара бунт" повесть акъудна. И газетдин къуллугъчи яз, Осман Мегьамедовича Дербентда тарихда сифте яз лезги кхьирагрин ассоциация тешкилна ва адан жавабдар секретарвал авуна. Эфендиева лезги эдебиятдик, медениятдик ва илимдик вичин пай кутуна. Мегьамедан хва Осман 1972 йисуз Москвада рагьметдиз фена, гьана кучукнава.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.