Traité fir d'Grënnung vun der Europäescher Wirtschaftsunioun

Den Traité fir d'Grënnung vun der Europäescher Wirtschaftsunioun, och Traité vu Roum oder Réimesche Vertrag genannt, ass e Vertrag deen de 25. Mäerz 1957 tëscht Westdäitschland, Frankräich, Italien, Holland, Lëtzebuerg an der Belsch ënnerschriwwe gouf.

Dësen Artikel beschäftegt sech mat dem Traité fir d'Grënnung vun der Europäescher Wirtschaftsunioun (1958-1993). Fir d'Versiounen duerno kuckt wgl.: Traité fir d'Grënnung vun der Europäescher Unioun (1993-2009) an Traité iwwer d'Funktionéiere vun der Europäescher Unioun (zanter 2008).

Europäesch Unioun – Geschicht, Struktur an Traitéen
1951	1957	1965	1986	1992	1997	2001	2007/2009
		Europäesch Communautéiten (EG*)		E U R O P Ä E S C H   U N I O U N   ( E U )
Europäesch Communautéit fir Kuel a Stol (CECA resp. Montanunioun)						(2002 ausgelaf -> EG)
	Europäesch Wirtschaftsgemeinschaft (EWG)			Europäesch Gemeinschaft (EG)
		*EG: EGKS, EWG (EG zanter 1993), Euratom		Justiz an Interieur (JI)	(ZJZ a Persouneverkéier –> EG)
					Zesummenaarbecht vu Police a Justiz bei Strofaffären (PJZS)
			Europäesch Politesch Zesummenaarbecht (EPZ)	Gemeinsam Aussen- a Sécherheetspolitik (GASP)
	Europäesch Atomgemeinschaft (EAG resp. Euratom)
Traité vu Paräis	Traité vu Roum	Fusiounstraité	Acte unique	Traité vu Maastricht	Traité vun Amsterdam	Traité vun Nice	Traité vu Lissabon
				Dräi Sailen

D'Säit mat den Ënnerschrëften um EWG-Vertrag

Nieft dem EAG-Vertrag ass et ee vun de Réimesche Verträg.

Mat dem EG-Vertrag gouf d'Europäesch Communautéit gegrënnt. E gehéiert zum primäre Recht am Europäeschen Droit. En ass ufanks 1958, nodeem e ratifizéiert war, a Kraaft getrueden a sollt fir onbegrenzt Zäit gëllen. Den Traité vu Roum gouf vu follgende Representanten ënnerschriwwen:

• Paul-Henri Spaak a J-Ch. Snoy et d'Oppuers fir d'Belsch.
• Konrad Adenauer a Walter Hallstein fir Däitschland.
• Christian Pineau a Maurice Faure fir Frankräich.
• Antonio Segni a Gaetano Martino fir Italien.
• Joseph Bech a Lambert Schaus fir Lëtzebuerg.
• Joseph Luns an J. Linthorst Homan fir Holland.

Geschichtlech Entwécklung

Méi spéit sinn déi heite Staaten dem Vertrag bäigetrueden:

• 1973: Dänemark - Vereenegt Kinnekräich - Irland
• 1981: Griicheland
• 1986: Spuenien - Portugal

Am Laf vun der Zäit hunn nach eng Hellewull vu Protokollen, Annexen an Deklaratiounen den Traité komplettéiert.

 Méi Informatioun doriwwer am Artikel: Protokollen, Annexen an Deklaratioune vum Traité vun der Europäescher Wirtschaftsunioun.

Haaptännerungen an Ëmbenennungen

• 17. Februar 1986: Modificatioune mam Acte unique
• 07. Februar 1992: Zu Maastricht gouf den Traité am Kader vum Traité vu Maastricht modifizéiert an dobäi an Traité fir d'Grënnung vun der Europäescher Unioun ëmbenannt.
• 02. Oktober 1997: Modificatioune mam Traité vun Amsterdam
• 26. Februar 2001: Modificatioune mam Traité vun Nice
• 01. Dezember 2009: Den Traité vu Lissabon trëtt a Kraaft an den Traité fir d'Grënnung gëtt mam Traité iwwer d'Funktionéiere vun der Europäescher Unioun ersat.

Um Spaweck

• Text op Däitsch
• Text op Franséisch