De Roland Wiltgen, gebuer de 6. Oktober 1957 zu Déifferdeng, ass e lëtzebuergesche Komponist a Musekspedagog.
| Roland Wiltgen | |
|---|---|
| Gebuer |
6. Oktober 1957 Déifferdeng |
| Nationalitéit | Lëtzebuerg |
| Aktivitéit | Musekspedagog, Komponist |
| Famill | |
| Bestuet mat | Françoise Wiltgen-Béasse |
| Kanner | 2 |
 | |
Liewen
Hien huet fir d'éischt Musek, an zwar Trompett, Piano a Kompositioun, am Escher Conservatoire an zu Metz studéiert. 1977 ass hien op Paräis gaangen an huet op der École normale de musique de Paris an um Conservatoire national supérieur de musique de Paris studéiert a mat Diplomer an Harmonie, Kontrapunkt, Fugue an Analys ofgeschloss.
Vun 1983 bis 2020 war hie Professer am Escher Conservatoire a Member vu villen Examensjuryen zu Lëtzebuerg, an der Belsch, Frankräich an an Italien.
Zanter der Grënnung vun der SACEM Lëtzebuerg am Joer 2003 war hien do a verschiddene Gremien aktiv an huet 2014, zesumme mat anere Komponisten, d'Fédération luxembourgeoise des auteurs et compositeurs (FLAC) an d'Liewe geruff. Bis 2017 war hien och hiren éischte President.
Hie wunnt zu Uespelt.
Wierk
Zanter 1985 si bis elo (2022) eng 70 Stécker a ville verschiddenen Genren entstanen:
Piano; Uergel, Chouer, divers Kammermuseksensembelen an allen Gréisstenuerdnungen.
Säin Interessi fir elektronesch a Computertechnologien huet e puer Kompositioune fir dëse Medium ervirbruecht.
D'Haaptgewicht vu sengem Schafe läit awer am symphonesche Beräich, sief et Musek fir Blechbléiser, Harmonieorchesteren oder Symphonieorchesteren.
Vill vun dëse Kompositioune sinn Optragswierker a goufe vu renomméierten Ensembelen zu Lëtzebuerg an am Ausland opgefouert.
E puer vu senge Wierker sinn op CD opgeholl ginn an e groussen Deel ass bei den Luxembourg Music Publishers éditéiert.
Kuckt och
Um Spaweck
- Dem Roland Wiltgen seng Säit op linkedin.com
- E puer Beispiller op soundcloud.
- Seng Säit bei de Luxembourg Music Publishers
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
