Quincy Jones

De Quincy Delight Jones jr., gebuer de 14. Mäerz 1933 zu Chicago, a gestuerwen den 3. November 2024 zu Los Angeles, war en US-amerikaneschen Jazzmuseker, Komponist, Arrangeur a Produzent.

Quincy Jones
Gebuer	14. Mäerz 1933 Vereenegt Staate vun Amerika
Gestuerwen	3. November 2024 Bel Air
Doudesursaach	Bauchspäicheldrüsekriibs
Nationalitéit	USA
Educatioun	Berklee College of Music, Garfield High School
Aktivitéit	Dirigent, Jazztrompettist, Komponist, Bandleader, Museksproduzent, Liddermécher, Museksmanager, Filmproduzent, Televisiounsproduzent, Arrangeur, Humanitarier, Jazzmuseker, Sänger, Trompettist, Pianist
Member vun	American Academy of Arts and Sciences, Quincy Jones & His Orch.
Gielercher	Commandeur vun der Légion d'honneur, MusiCares Person of the Year, Jean Hersholt Humanitarian Award, Steiger Award, Library of Congress Living Legend, Horatio Alger Award, Kennedy-Präis, Commandeur des Arts et des Lettres‎, National Medal of Arts, Stär um Hollywood Walk of Fame, Rock and Roll Hall of Fame, Éierenoscar
Famill
Bestuet mat	Jeri Caldwell (1957–1966), Ulla Andersson (1.1.1967–1.1.1974), Peggy Lipton (1.1.1974–1.1.1990)
Liewenspartner(in)	Nastassja Kinski (1992–1995)
Papp	Quincy Delight Jones
Mamm	Sarah Frances Wells
Geschwëster	Richard A. Jones
Kanner	Quincy Jones III, Kidada Jones, Rashida Jones, Kenya Kinski-Jones

Liewen a Karriär

Nodeems hien an den 1950er-Jore mat Leit wéi der Dinah Washington, dem Lionel Hampton an dem Dizzy Gillespie zesumme gespillt hat, huet hie sech vun den 1960er-Joren un op d'Schreiwen, Arrangéieren a Produzéiere vu Musek konzentréiert. Am Ufank blouf hien dem Genre vum Jazz trei, ma lues a lues huet hien och an de Beräicher Film- a Popmusek geschafft. Vun der Abberzuel vun Artisten, mat deenen en zesummegeschafft huet, ass seng Kollaboratioun mam Michael Jackson, ë. a. als Produzent vum Album Thriller, déi bekanntst.

Den Jones gouf bannent senger Karriär 79 Mol fir e Grammy Award nominéiert an huet en 28 Mol gewonnen.

Hie war dräimol bestuet: mat der Jeri Caldwell (1957 - 1966), dem Mannequin Ulla Andersson (1967 - 1974) an der Schauspillerin Peggy Lipton (1974 - 1990). Vun 1991 bis 1997 war hie mat der Schauspillerin Nastassja Kinski zesummen. Hien ass Papp vu 7 Kanner.

Hien huet sech am soziale Beräich engagéiert, ë. a. fir d'Bildung vu Kanner aus aarme Verhältnesser a fir d'Sammelen an Erhale vun afroamerikanescher Musek (Institute for Black American Music).

Wierk

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Um Spaweck

Commons: Quincy Jones – Biller, Videoen oder Audiodateien