Nos cahiers

nos cahiers - Lëtzebuerger Zäitschrëft fir Kultur ass eng lëtzebuergesch Kulturzäitschrëft, déi vun 1980 bis 2020 an den Éditions Saint-Paul publizéiert gouf. Déi éischt Nummer koum den 30. Abrëll 1980 eraus^[1]. Zënter 2021 gëtt d'Zäitschrëft vu Print Solutions editéiert. Fir den Inhalt ass ee Redaktiounscomité vun onofhängege Benevole verantwortlech .^[2]

Dësen Artikel beschäftegt sech mat der lëtzebuergescher Zäitschrëft nos cahiers. Fir d'Zäitschrëft mat engem änlechen Numm, kuckt wgl. Les Cahiers luxembourgeois.

Nos cahiers

Typ	Periodique
Éischt Ausgab	1980
Websäit	http://www.noscahiers.lu

D'Presidente vum Redaktiounscomité waren noeneen de Pierre Grégoire, de Christian Calmes a vun 1995 un de Georges Goedert^[3][4]. nos cahiers sinn an d'Fousspuere vun enger anerer kultureller Publikatioun getrueden, der Academia, déi wärend dem Éischte Weltkrich vum kathouleschen Akadeemiker-Veräin AV/ALUC gegrënnt gi war^[4].

nos cahiers gëtt vum Kulturministère subventionéiert^[5].

Kuckt och

• Kulturzäitschrëften zu Lëtzebuerg

Um Spaweck

• Hubert Hausemer, A propos de „nos cahiers“ , Forum Nr. 41, S. 19
• Michel Delage, Nos Cahiers feiere 40 Joer, op www.100komma7.lu den 13. August 2020

Referenzen an Notten

1. Luxemburger Wort, „Nos Cahiers" – „Vos Cahiers"... Eine neue luxemburgische Zeitschrift für Kultur stellt sich vor.. eluxemburgensia.lu (02.05.1980). Gekuckt de(n) 15.12.2021.
2. D'Quell dofir sinn d'Nummere vun nos cahiers selwer plus Informatioune vun engem Redaktiounsmember.
3. Cf. z. B. 2011 (3/4), S. 2, Zesummesetzung vum Comité de rédaction
4. Nos Cahiers feiere 40 Joer. radio 100,7 (2020-08-13). Gekuckt de(n) 2021-10-20.
5. Nos cahiers: Remise du numéro spécial "Luxembourg 20 ans UNESCO" au ministre de la Culture, Maggy Nagel. gouvernement.lu (2014-11-12). Gekuckt de(n) 2021-10-20.