De Michel Witry, gebuer den 19. Dezember[1] 1797 zu Luerenzweiler, gestuerwen den 1. Mee 1874 zu Iechternach, war en Nottär a Politiker.[1]
| Michel Witry | |
|---|---|
| Gebuer |
19. Dezember 1797 Luerenzweiler |
| Gestuerwen |
1. Mee 1874 Iechternach |
| Nationalitéit | Lëtzebuerg |
| Aktivitéit | Politiker, Nottär |
| Member vun | Assemblée constituante vun 1848 |
 | |
Hie war vun 1827 bis bis zu senger Demissioun den 3. Abrëll 1868 Nottär zu Iechternach.[1]
Vun 1842 bis 1848 war hien Deputéierten an der Chamber, 1848 Member vun der Assemblée constituante, vun 1853 bis 1856 erëm Deputéierten an der Chamber, vun 1860 bis 1868 Member an der Assemblée des États a vun 1868 bis zu sengem Doud am Joer 1874 nach eng Kéier Deputéierten an der Chamber. Dobäi war hie vun 1866 bis 1867 President vun der Assemblée des États a vum 24. bis de 27. Juni 1872, fir eng ausseruerdentlech Sessioun, President vun der Chamber.
De Michel Witry war vum 8. November 1830 (Datum vun der Nominatioun) bis de 25. August 1839 Buergermeeschter vun Iechternach.[2]
Seng Eltere waren den Nicolas Witry an d'Angélique Weis (Weiss).[3] Hien huet sech den 1. September 1830 zu Iechternach mat der Françoise Joséphine Thiry bestuet.[2]
Dem Michel Witry säi Begriefnes war den 3. Mee 1874 zu Iechternach a Presenz vum Staatsminister Emmanuel Servais. D'Grafried huet de President vun der Chamber, de Félix de Blochausen, gehalen.[4]
- Commandeur vum Ordre de la couronne de chêne (Promotioun 1842).[5]
- Massard, J.A., 1988. Echternach und die Cholera. Ein Beitrag zur Geschichte der Medizin und der öffentlichen Hygiene in Luxemburg. Publications du Centre Universitaire de Luxembourg, Département des Sciences: Biologie-Chimie-Physique, fasc. 1, 259 S. (Biographie vum Michel Witry: S. 231).
- Neyen, A., 1876. Biographie Luxembourgeoise. Histoire des hommes distingués originaires de ce pays considéré à l'époque de sa plus grande étendue ou qui se sont rendus remarquables pendant le séjour qu'ils y ont fait. Tome 3. J. Joris, Luxembourg, 490+XXXI+XII S. + table gén. alphabét. (Michel Witry: S. 473-474).
- Massard 1988, S. 231.— Beim Neyen 1876, S. 473 steet e falsche Gebuertsdatum, an zwar den 9. Dezember 1797.
- Liste des maires respectivement bourgmestres de la ville d'Echternach. Archives de la Ville d'Echternach.
- Neyen 1876, S. 473. — Am Gebuertsakt vum Michel Witry gëtt den Numm vu senger Mamm "Veis" geschriwwen; en Tippfeeler huet bei Massard 1988, S, 231, doraus "Neis" gemaach.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
