From Wikipedia, the free encyclopedia
E Metzler (fir de Mann) oder eng Metzlesch oder Metzlerin (fir d'Fra) ass eng Persoun, déi op d'Veraarbechten an de Verkaf vu Fleesch a Fleeschproduite spezialiséiert ass. D'Haaptaufgabe vum Metzler sinn d'Schluechte vum Véi, d'Zerleeë vum Fleesch, d'Produzéiere vu Wurscht an d'Veraarbechte vum Fleesch a verschidde Produiten, wéi Ham, Salami oder Brot. Zousätzlech beroden d'Metzler hir Clienten iwwer déi verschidde Fleeschzorten an hir Zoubereedung.
 |
Dësen Artikel beschäftegt sech mat dem Beruff Metzler. Fir den Numm, kuckt wgl. Metzler (Familljennumm). |
.jpg)
Metzler schaffen an ënnerschiddlechen Ëmgéigenden, dorënner de Metzlereien, de Supermarchéen, de Schluechthaiser, an den industrielle Betriber, an deene Fleesch verschafft gëtt. De Beruff erfuerdert e fundéiert Wëssen iwwer d'Fleeschqualitéit, d'Hygiènesvirschrëften an d'Liewensmëttelsécherheet. A ville Länner musse Metzler streng Hygiènes- a Sécherheetsvirschrëfte respektéieren, fir d'Gesondheet vun de Konsumenten ze schützen.[1]
D'Ausbildung zum Metzler (Boucher-charcutier) dauert zu Lëtzebuerg dräi Joer a gëtt am Bouneweger Lycée ugebueden.[2] Si kombinéiert Theorie a Praxis a wärend där Zäit léieren déi zukünfteg Metzler déi verschidden Technike vum Schluechten, Zerleeën a Veraarbechte vum Fleesch an den Ëmgang mat moderne Maschinnen a Geschier.
De Beruff vum Metzler erfuerdert handwierklecht Geschéck, kierperlech Belaaschtbarkeet an e Verständnis fir Liewensmëttelqualitéit. Metzler spillen eng wichteg Roll an der Liewensmëttelketten an droen zur Versuergung vun der Bevëlkerung mat héichwäertege Fleeschproduite bäi.
| Commons: Metzleren – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
