Malmedy

Malmedy (wa.: Måmdey) ass eng Stad a Gemeng, déi am Oste vun der Belsch, an der Provënz Léck, läit, do wou d'Warche an d'Warchenne zesummefléissen.

Malmedy
Land	Belsch
Regioun	Wallounien
Communautéit	Franséisch Communautéit
Provënz	Léck
Arrondissement	Verviers
Awunner	12.654 (1. Januar 2018)
Fläch	10.062
Koordinaten	50° 25’ 32’’ N       06° 01’ 44’’ O
Telefonszon	087
Postcode	4710
Websäit	https://www.malmedy.be/

Bellevaux-Ligneuville a Bevercé sinn aner Uertschaften, déi zu dëser Gemeng gehéieren.

Geschicht an aner Informatiounen

• 648: Den Hellege Remakel, Abt vun der Abtei vu Solignac, huet e Klouschter an de Bëscher vun den Ardennen gegrënnt. D'Stad, déi no an no entstanen ass, huet sech spéider mat hirer Nopeschuertschaft Stavelot zu enger Prënzabtei (principauté abbatiale) zesummegeschloss.

 Méi Informatioun doriwwer am Artikel: Fürstentum Stavelot-Malmedy.

• Vun 1815 bis 1920 huet d'Stad zu Preisen gehéiert.
• Duerch den Traité vu Versailles ass Malmedy 1919 mat Eupen a Sankt Vith, der Belsch zougesprach ginn.
• Nom 1. Weltkrich gouf vum Hellege Stull eng Diözees Malmedy fir d'Gebidder geschaf, déi bis ewell zum Bistum Köln gehéiert haten. Sou gouf d'Parkierch vu Malmedy zur Kathedral erhuewen. Déi nei Diözees ënnerstoung dem Bëschof vu Léck. 1925 ass dës nei Diözees allerdéngs ofgeschaf ginn; d'Gebitt dovun ass bei de Bistum Léck geschloe ginn. Zu Malmedy nennen awer vill Leit hir Kierch nach ëmmer "Kathedral".
• De Memorial vum Massaker vu Baugnez: de 17. Dezember 1944, duerch d'SS, déi 84 amerikanesch Krichsprisonnéier ëmbruecht hunn, sollt ee besichen.
• Net wäit ewech läit de Circuit vu Francorchamps, wou an der Formel 1 de Grand Prix vun der Belsch ausgedro gëtt.
• D'Naturreserv Héicht Venn (Hautes Fagnes) ass touristesch interessant.
• De Karneval vu Malmedy ass ganz bekannt.

Spezialitéiten

• Baisers de Malmedy: Zwou Meringuen, déi mat Schlagsan garnéiert sinn;
• Eisekuche mat Schlagsan;
• Molbierstaart

Biller

D'Kathedral Sts-Pierre, Paul a Quirin (1777).

Monument fir d'Affer déi zu Malmedy am Krich (1940-1945) ëmkomm sinn, am fréiere Klouschter (XVIIIe Jh.).

Buer op der Plaz Albert 1er.

Kuckt och

• Kathedral vu Malmedy

Um Spaweck

• D'Säit vun der Gemeng
• Mâm'dî.net, op Wallounesch
• Robert Christophe, Historeschen Aperçu iwwer Malmedy
• Malmedy, Konscht a Geschicht

Uertschaften an der Gemeng Malmedy

Sektiounen: Bellevaux-Ligneuville • Bévercé • Malmedy Aner Uertschaften: Arimont · Baugnez · Bernister · Boussire · Burnenville · Chevofosse · Chôdes · Cligneval · Falize · Floriheid · Gdoumont · Géromont · Gohimont · Hédomont · Lamonriville · Lasnenville · Longfaye · Meiz · Mont · Planche · Pont · Reculemont · Ronxhy · Warche · Winbomont · Xhoffraix

Commons: Malmedy – Biller, Videoen oder Audiodateien