Klaus Iohannis

De Klaus Werner Iohannis (op Däitsch Johannis geschriwwen), gebuer den 13. Juni 1959 zu Sibiu, ass e rumänesche Politiker. Hie war vun Dezember 2014 bis Februar 2025 President vu Rumänien.

Klaus Iohannis
Funktioun
5. President vu Rumänien
21. Dezember 2014 - 12. Februar 2025
Virgänger	Traian Băsescu
Nofollger	Ilie Bolojan (kommissaresch) Nicușor Dan
Partei	Partidul Național Liberal, Onofhängeg
Biographie
Gebuer	13. Juni 1959 Sibiu
Nationalitéit	Rumänien
Educatioun	Babeș-Bolyai-Universitéit Cluj
Gielercher	Verdienstkreuz 1. Klasse, Stär vu Rumänien, Ordre de Mérite du Grand-Duché de Luxembourg, Officier de l'ordre de la Couronne, Karlspräis, Verdienstkreuz am Bande des Verdienstordens der Bundesrepublik Deutschland, Nassaueschen Hausuerde vum Gëllene Léiw, Uerde vum wäissen Aadler
Bestuet mat	Carmen Johannis (1989–)

De Klaus Iohannis kënnt aus der däitschsproocheger Minoritéit vu Rumänien a war vun 2000 bis 2014 Buergermeeschter vu senger Heemechtsstad Sibiu (Hermannstadt). Den 28. Juni 2014 gouf hie President vun der Nationalliberaler Partei (PNL) an huet fir d'Presidentschaftswale kandidéiert, déi en am zweeten Tour géint de Premierminister Victor Ponta gewonnen huet. Fënnef Joer drop gouf hien de 24. November 2019, am zweeten Tour, erëmgewielt.

Hien ass Physiker vu Formatioun an huet eng Zäitchen enseignéiert, ier e Schoulinspekter gouf.

Gielercher

• Großes Silbernes Ehrenzeichen für Verdienste um die Republik Österreich^[1].

Publikatiounen

• Pas cu pas Curtea Veche, Bukarest 2014, ISBN 978-606-588-756-5.

Um Spaweck

Commons: Klaus Iohannis – Biller, Videoen oder Audiodateien

Referenzen

1. Lëscht vun de Persounen déi tëscht 1952 an 2012 d'Ehrenzeichen für Verdienste um die Republik Österreich kruten