Kierch Réimech

D'Kierch zu Réimech ass eng kathoulesch Kierch zu Réimech. Et ass d'Parkierch vun der Par Dräilännereck Musel a Ganer Saint-Nicolas.

Kierch vu Réimech
Parkierch vu Réimech (2013) Parkierch vu Réimech (2013)
Uertschaft / Plaz	Réimech
Par	Dräilännereck Musel a Ganer Saint-Nicolas
Dekanat	Dekanat Osten
Numm / Patréiner	Hl. Stephanus
Koordinaten	49° 32’ 42.1’’ N       06° 21’ 49.3’’ O
Kierchen - Kapellen

D'Par- an Dekanatskierch Réimech

De Patréiner vun der Kierch ass den hellege Stephanus, deem säi Fest de 26. Dezember gefeiert gëtt (Stiefesdag). De Patréiner vu Réimech ass den hellege Cunibert. Säi Festdag gëtt den 12. November gefeiert. De Patréiner vun der Par ass den hellegen Niklos.

D'Kierch steet op der Kräizung vun der rue de la Gare (CR152A) mat der rue de l'Église (CR152).

Den 28. Juli 1989 gouf se op der Lëscht vun de klasséierte Monumenter als nationaalt Monument agedroen.

Klacken

Am Klackentuerm hänke 5 Klacken, déi an den Téin H°, d', e', fis' an a' lauden. D'Klacke si vun 1964 a goufe vun der Äifeler Klackegéisserei gegoss a vum Bëschof Lommel geweit.

All Klack huet e Patréiner an domat och en Numm:

• De Bourdon am Toun H° ass der Tréischterin am Leed geweit.
• Déi 2. Klack am Toun d' ass dem hellegen Urbanus geweit.
• Déi 3. Klack am Toun e' ass dem hellege Kunibert geweit.
• Déi 4. Klack am Toun fis' ass der helleger Anna der (Mamm vun der Maria) geweit.
• Déi 5. Klack am Toun a' ass dem hellegen Niklos geweit, dem Patréiner vu Réimech.

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren
• Lëscht vun den nationale Monumenter an der Gemeng Réimech

Um Spaweck

Commons: Kierch Réimech – Biller, Videoen oder Audiodateien

• D'Kierch vu Réimech op der Websäit vum Parverband Réimech, Duelem
• Websäit vum Parverband Réimech, Duelem
• D'Fënstere vun der Kierch vu Réimech op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op Orgues.lu