Hydra (Stärebild)

D'Waasserschlaang (latäin Hydra) ass e Stärebild südlech vum Himmelsequator.

Date vum Stärebild Hydra
Lëtzebuergeschen Numm	Waasserschlaang
Laténgeschen Numm	Hydra
Laténgesche Geenitiv	Hydrae
Laténgesch Ofkierzung	Hya
Positioun	um Himmelsequator
Rektaszensioun	8h 00m bis 15h 00m
Deklinatioun	+7° bis -35°
Fläch	1303 Quadratgrad
Siichtbar op de Breedegraden
Observatiounszäitraum fir Mëtteleuropa	Fréijoer
Zuel vun de Stäre mat Gréisst < 3m	2
Hellste Stär, Gréisst	Alphard, (α Hydrae), 1,98m
Meteorstréim	Alpha-Hydriden Sigma-Hydriden
Nopeschstärebiller (vun Norden am Auerzäresënn)	Crater Sextans Leo Cancer Canis Minor Monoceros Puppis Pyxis Antlia Centaurus Lupus Libra Virgo Corvus
Kaart vum Stärebild Hydra

Beschreiwung

D'Hydra ass dat gréisst Stärebild um Nuetshimmel. Et erstreckt sech ënner den Déierekreeszeechen Kriibs, Léiw a Virgo, a ka vun eise Breeten aus am Fréijoer déif um südlechen Horizont gesi ginn.

D'Hydra ass kee markant Stärebild, well déi meescht vu senge Stäre liichtschwaach sinn. Nëmmen den Haaptstär Alphard ass mat 1,98^m opfälleg hell.

Geschicht

Déi „weiblech“ oder grouss Waasserschlaang gehéiert zu de Stärebiller aus der anticker griichescher Astronomie, déi schonn dem Ptolemäus bekannt waren.

Am 16. Joerhonnert gouf déi „männlech“, südlech oder „Kleng Waasserschlaang“ (lat. Hydrus) agefouert. Dat Stärebild steet sou wäit südlech, datt et an Europa net ze gesinn ass.

Himmelsobjeten

Stären

B	F	Numm o. aner Bezeechnungen	Gréisst	Lj	Spektralklass
α	30	Alphard	1,98m	177	K3 III
γ	46		2,99m	100	G6 III
ζ	16		3,11m	150	K0 III
ν			3,11m	120	K2 III
π	46		3,25m
ε	11		3,38m	150	G0 + F7
R			3,5 bis 10,9m	500	M7 III
ξ			3,54m	150	G7 III
λ	41		3,61m	150	K0 III
μ	42		3,83m	200	K4 III
θ	22		3,89m	150	A0 V
ι	35		3,90m	200	K3 III
C			3,91m	150	A0 V
υ1	39		4,11m	150	G8 III
δ	4		4,14m	150	A0 V
β			4,29m	300	B9 III
η	7		4,30m	500	B3 V
D	12		4,32m
ρ	13		4,35m	150	A0 V
E	58		4,42m
σ	5	Minchir, Michar	4,45m	350	K1 III
τ	31	Ukdah	4,59m	50	F6 + K2
υ2	40		4,60m
F			4,63m
ο			4,70m
P	27		4,7m	150	G8 + F2
U			4,7 bis 5,2m	2000	C6 II
G			4,72m
I			4,76m
	26		4,77m
k	51		4,78m
	9		4,87m
φ			4,91m
χ1			4,92m
ψ	45		4,94m
l	52		4,97m
a	6		4,98m
ω	18		4,99m
N			5,0m	100	F8 + F8
	50		5,07m
	44		5,08m
m	54		5,15m
	47		5,20m
b3			5,23m
	56		5,23m
	23		5,24m
	14		5,30m
b1			5,44m
	20		5,47m
	24		5,49m

Den α Hydrae ass e Stär, deen orange liicht an zu der Spektralklass K3 gehéiert. Hien ass ronn 177 Liichtjoer vun eis ewech.
Den Numm „Alphard“ ass arabesch al farad, wat souvill heescht wéi „Déi déi eleng steet“. Eng aner Bezeechnung ass Cor Hydrae, „Häerz vun der Waasserschlaang“.

Duebelstären

System	Gréissten	Ofstand
ε	3,4/7,0m	2,7"
τ1	4,6/7,6m	66"
27	4,8/7,0/9,0m	230"/9,6”
N	5,6/5,8m	9,2"

Den ε Hydrae ass en Duebelstäresystem op enger Distanz vun 100 Liichtjoer.

Den τ¹ Hydrae erschéngt am Teleskop als Duebelstär. Tatsächlech handelt et sech ëm en „opteschen“ Duebelstär, deem seng Komponenten net duerch Gravitatioun verbonne sinn, mä nëmme visuell vun der Äerd aus gesinn an enger Richtung leien.

De 27 Hydrae ass e Méifachstäresystem, bei deem dräi Stären ëm ee kollektive Schwéierpunkt kreesen.

Verännerlece Stären

Stär	Gréisst	Period	Typ
R	3,5 bis 10,9m	387 Deeg	Mira-Stär
U	4,7 bis 6,2m	450 Deeg	Hallefreegelméisseger
V	6,5 bis 12,5m		Mira-Stär

Den R Hydrae ass e pulsiounsverännerleche Stär vum Typ Mira op enger Distanz vu 500 Liichtjoer. Am Maximum erreecht hien eng Hellegkeet vun 3,5^m, am Minimum fält d'Hellegkeet op 10,9^m erof. D'Hellegkeet variéiert mat enger Period vu ronn 387 Deeg. Opzeechnungen hu gewisen, datt d'Period am 18. Joerhonnert mat ronn 500 Deeg méi laang war.

Den U Hydrae läit op enger Distanz vun 2.000 Liichtjoer. Seng Hellegkeet ännert mat enger Period vu ronn 450 Deeg. Am Maximum erreecht hien eng Hellegkeet vu 4,7^m an ass mat bloussem A ze gesinn. Am Minimum fält seng Hellegkeet op 6,2^m erof. Wärend sengem Minimum ass hien opfälleg rout, mä nëmme mat engem Teleskop ze gesinn.

De V Hydrae ass en déifroude Stär vum Typ Mira. Seng Hellegkeet variéiert tëscht 6,5^m an 12,5^m.

Messier- an NGC-Objeten

Messier (M)	NGC	aner	Gréisst	Typ	Numm
48	2548		5,5m	Oppene Stärekoup
68	4590		8,5m	Kugelstärekoup
83	5236		8m	Galaxie
	3109		9,9m	Galaxie
	3242		9m	Planetareschen Niwwel	Jupiters Geist
	3314		14m	Galaxie
	5694		10m	Kugelstärekoup

De M 48 ass en oppene Stärekoup op enger Distanz vun 2.500 Liichtjoer.

De M 68 läit 30.000 Liichtjoer ewech an ass e Kugelstärekoup.

De M 83 ass eng Spiralgalaxie vum Typ Sc a läit 15 Millioune Liichtjoer vun eiser Sonn ewech.

Den NGC 3242 ass e planetareschen Niwwel op enger Distanz vun 3.000 Liichtjoer. Bei héijer Vergréisserung ass hien als gréng Scheifchen am Teleskop ze gesinn. Well säi Wénkelduerchmiesser um Himmel ongeféier deem vum Planéit Jupiter entsprécht, gëtt hien och Dem Jupiter säi Geescht genannt.

Den NGC 3314 besteet aus zwou interaktive Galaxien op enger Distanz vun 140 Millioune Liichtjoer.

Kuckt och

Portal Astronomie

• Lëscht vu Stärebiller
• ABC vun de Stären
• Void

Um Spaweck

Commons: Hydra (constellation) – Biller, Videoen oder Audiodateien