belschen Historiker From Wikipedia, the free encyclopedia
Den Henri Pirenne, gebuer den 23. Dezember 1862 zu Verviers a gestuerwen de 25. Oktober 1935 zu Uccle, war e belschen Universitéitsprofesser, Medievist, Auteur a Resistenzler an der Zäit vun Éischte Weltkrich.
Henri Pirenne | |
---|---|
![]() | |
Gebuertsnumm | Jean Henri Otto Lucien Marie Pirenne |
Gebuer |
23. Dezember 1862 Verviers |
Gestuerwen |
24. Oktober 1935 Uccle/Ukkel |
Nationalitéit | Belsch |
Educatioun |
Universitéit vu Léck, Universitéit vu Leipzig, Universitéit vu Paräis, École pratique des hautes études |
Aktivitéit | Medievist, Historiker, Universitéitsprofesser |
Member vun | Bayeresch Wëssenschaftsakademie, Wëssenschaftsakademie vun der URSS, Schweedesch Akademie vun de Wëssenschaften, American Academy of Arts and Sciences, Russesch Akademie vun de Wëssenschaften, Académie royale des sciences, des lettres et des beaux-arts de Belgique, Koninklijke Nederlandse Akademie van Wetenschappen |
![]() |
Hien ass de Papp vum Egyptolog Jacques Pirenne an de Brudder vum Moler Maurice Pirenne.
![]() |
![]() |
Vun 1886 bis 1930 war den Henri Pirenne Professer op der Staatsuniversitéit Gent.
![]() |
Den Henri Pirenne gëllt als ee vun de bedeitendsten Historiker vu senger Zäit. Hien huet e wichtege Bäitrag geleescht bei der Erklärung, wéi nom Enn vum Westréimesche Räich, lues a lues eng ganz aner Epoch, d'Mëttelalter, konnt entstoen: 1. duerch d'Opkomme vun neie Staaten an 2. duerch d'Verlagerung vum Wirtschaftsschwéierpunkt vum Süde vun Europa no Norden, wat sech no an no haaptsächlech am Dräieck Loire-Nordmier-Elbe gewisen huet. Beispiller dofir wieren d'Foires de Champagne, d'Duchindustrie an der Grofschaft Flandern an an den Nopeschgebidder, d'Wollproduktioun an England, de Schëffsbau an den Handel an Holland, d'Hansestied, asw.
Eng aner Thees vum Pirenne, déi allerdéngs haut staark ëmstridden ass, beseet, datt de moderne belsche Staat, deen 1830 entstanen ass, als logesch Folleg vun engem Prozess ze gesinn ass, dee scho mat der Politik vun den Herzoge vu Burgund ugefaangen hat. Dës bestoung doranner, déi verschidde Principautéiten am Raum Schelde-Meuse-Nidderrhäin ze versammelen a souwäit wéi méiglech ze vereenegen, wat allerdéngs nëmmen zu engem klengen Deel, an nach nëmmen um administrativ-judikative Plang geklappt huet.
Schliisslech huet de Pirenne och nach ee bedeitende Bäitrag an der Entwécklungsgeschicht vun de Stied am Mëttelalter geliwwert.
Seng Approche vun de geschichtlechen Theemen huet vill aner Historiker, souwuel an der Belsch wéi am Ausland, beaflosst. Sou kann een z. B. behaapten, datt déi bekannt franséisch École des Annales zu engem gudden Deel op sengen Theorië fousst.
Fir un hien z'erënneren, krute Stroossen zu Braine-l'Alleud, Grivegnée a Verviers den Numm rue Henri Pirenne an eng belsch Theatertrupp nennt sech Dramatique Henri Pirenne.
Zu Bréissel, um Bord vum Bois de la Cambre, op der Gafel vun der Avenue du Brésil knapps 1.200 Meter vum Campus du Solbosch vun der ULB, steet eng Statu vum Pirenne.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.