De Gerald „Gerry“ Neugebauer, gebuer den 3. September 1932 zu Göttingen, a gestuerwen den 3. September 2014 zu Tucson am Arizona, ass en US-amerikaneschen Astronom vun éisträichesch-däitscher Ofstamung.
| Gerald Neugebauer | |
|---|---|
| Gebuer |
3. September 1932 Göttingen |
| Gestuerwen |
26. September 2014 Tucson |
| Nationalitéit | USA |
| Educatioun |
California Institute of Technology, Cornell University |
| Aktivitéit | Physiker, Astronom |
| Member vun | National Academy of Sciences, American Academy of Arts and Sciences, American Philosophical Society |
 | |
De Gerry Neugebauer ass de Jong vum Astronom a Mathematiker Otto Neugebauer. Hien hat op der Cornell University studéiert a krut den Doktergrad 1960 am California Institute of Technology (Caltech). Wärend sengem Militärdengscht bis 1962 war hien am Jet Propulsion Laboratory stationéiert. Seng wëssenschaftlech Lafbunn hat hien um Caltech gemaach, wou hien zanter 1962 Assistent Professer a vun 1970 bis zu senger Emeritéierung 1998 Full Professor war. Hien huet de Palomar-Observatoire vun 1980 bis 1994 geleet.
Den Neugebauer gehéiert zu de Pionéier vun der Infraroutastronomie. Zesumme mam Robert B. Leighton hat hien eng vun den éischten Himmelsduerchmusterungen am Infraroutliicht, den Two Micron Sky Survey duerchgefouert. Iwwer 5.500 Infraroutquelle goufen dobäi entdeckt. No him an nom Eric Becklin ass de Becklin-Neugebauer-Objet, ee vum Stëbs agewéckelte jonke Stär am Orionniwwel, genannt. Den Neugebauer war leedende Wëssenschaftler vum Infrared Astronomical Satellite.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
