Gaasperecher Park

De Gaasperecher Park ass e Park am Stater Quartier Gaasperech, op de fréiere Flouere Bei der Kéiwiss an Op dem Wakebierg^[1], deen de 7. Juni 2023 ageweit gouf (ursprénglech war 2020 virgesinn).

Gaasperecher Park

De Park am Juni 2023
Lokalisatioun
Land	Lëtzebuerg
Gemeng	Lëtzebuerg
Plaz	Gaasperech
Koordinaten	49°35'15,25"N, 6°7'38,68"O
Bauhär	Stad Lëtzebuerg (Verwaltung)
Fläch	14,86 ha

d'Aweiung vum Park am Juni 2023

E gouf vum Bureau Carlo Mersch entworf^[2] an huet eng Fläch vu 14,86 Hektar^[3]. Zentraalt Element ass d'Drosbech, déi an engem renaturéierte Bett queesch derduerch leeft, a ronderëm där hir Uwänner e Fiichtgebitt ugeluecht gouf, duerch dat een iwwer Brécken a Pontonen trëppele kann. Och e Weier vu 70 Ar ass realiséiert ginn.

Am Park gëtt et ë. a. e Pavillon, eng grouss Spillplaz, Terraine fir Petanque, Foussball, Basketball oder Beachvolleyball ze spillen, eng Hondswiss, eng Picknicksplaz an en Areal mat Fitnessgeschier. Am ganze 4,5 km Weeër fir Foussgänger a Cycliste ginn derduerch, déi de Park mat de Stroosse ronderëm verbannen. E Restaurant an en Aussiichtstuerm gi méi spéit amenagéiert.

Den Amenagement huet 15,99 Milliounen Euro kascht^[4].

D'Preparatiounsaarbechte fir de Park unzeleeën hunn am Mäerz 2020 ugefaangen. Am Laf vum Joer gouf de Weier ausgegruewen. Am Februar 2021 gouf ugefaangen, Traisch a Beem unzeplanzen, an am Mee hunn d'Schräineraarbechten ugefaangen^[5].

De Park ass mam stättesche Bus iwwert d'Halt Francophonie um Boulevard de Kockelscheuer a mam Tram vun der Statioun Lycée Vauban aus accessibel.

Bambestand

De (provisoreschen) Bambestand besteet Mëtt 2024 aus 510 Lafbeem, 50 Nolholzplanzen, 75 Uebstbeem an 2.100 Forstplanzen^[6].

Biller

• Am Gaasperecher Park
• 
• 
• 
• 

• Amenagement vum Park tëscht 2020 an 2023
• 
  De Flouer Wakebierg, ier d'Aarbechten ugaange sinn.
• 
  D'Aarbechten am Mäerz 2020.
• 
  D'Situatioun am Mäerz 2021…
• 
  November 2021…
• 
  Februar 2022…
• 
  August 2022…
• 
  September 2022…
• 
  an am…
• 
  Abrëll 2023.

Um Spaweck

Commons: Gaasperecher Park – Biller, Videoen oder Audiodateien

• Nadine Schartz, Grüne Lunge im grauen Ban op wort.lu den 1. November 2018 an ënner dem Titel „Grüne Aussichten“ an der Drockversioun vum Wort den 31. Oktober 2018, Säit 17.

Referenzen an Notten

1. geoportail.lu
2. Quell, wou net anescht uginn: Céline Coubray: "Le vert sera de mise au Ban de Gasperich." paperjam.lu, 1 Septembre 2017.
3. “Die Bäume in der Stadt – Geschichte, Arten und Pflege”, Service Parcs, Ville de Luxembourg, 2024, S. 98
4. Nadine Schartz, „Grüne Lunge im grauen Ban“ um Spaweck
5. Rita Rupert: "Gasperich: 16,6 Hektar Grünanlage im Bau." wort.lu, 10-03-2021.
6. “Die Bäume in der Stadt – Geschichte, Arten und Pflege”, S. 100