US-amerikanesche Schrëftsteller (1875-1950) From Wikipedia, the free encyclopedia
Den Edgar Rice Burroughs, gebuer den 1. September 1875 zu Chicago a gestuerwen den 19. Mäerz 1950 zu Encino, war en US-amerikanesche Schrëftsteller, deen haut virun allem fir seng Serie mam Dschungelheld Tarzan bekannt ass.
| Edgar Rice Burroughs | |
|---|---|
 | |
| Gebuer |
1. September 1875 Chicago |
| Gestuerwen |
19. Mäerz 1950 Encino |
| Doudesursaach | Häerzschlag |
| Nationalitéit | USA |
| Aktivitéit | Romancier, Dréibuchauteur, Science-Fiction-Schrëftsteller, Prosaist, Kannerbuchauteur, Schrëftsteller |
 | |
De Burroughs war de Jong vun engem Geschäftsmann. No sengem Militärdéngscht huet hien a Geleeënheetsjobs geschafft. 1899 goung e bei säi Papp an de Betrib schaffen, wou e 5 Joer laang bliwwen ass. 1900 huet hie sech mat der Emma Centennia Hulbert bestuet, a si kruten 3 Kanner: d'Joan, den Hubert an den John.
Géint 1911 huet de Burroughs ugefaangen, Erzielungen ze schreiwen, déi a sougenannte Pulp-Magazine publizéiert goufen. Seng éischt Geschicht war Under the Moons of Mars, déi 1912 als Feuilleton am All Story Magazin erauskoum. Zanterhier huet hien d'Schreiwen zu sengem Haaptberuff gemaach. Wéi déi lescht Episod vun Under the Moons of Mars publizéiert gouf, hat hien 2 Bicher geschriwwen, wouvun eent, Tarzan of the Apes am Oktober 1912 erauskoum an e grousse Succès hat.
De Burroughs huet dann och d'Popularitéit vun der Tarzan-Figur ausgenotzt, fir d'Rechter drop un aner Medien ze verkafen: Bande-dessinéeën, Filmer, Spillgezei, asw.
Nieft den Tarzan-Geschichten huet de Burroughs Science fiction a Fantasygeschichte geschriwwen, an deene Mënschen op friem Planéite geflunn oder an den Zentrum vun der Äerd gereest sinn, an dobäi all méiglech Aventuren erlieft hunn. Ausserdeem huet hie Western an historesch Libesromaner geschriwwen.
1923 huet hie senge eege Firma gegrënnt, Burroughs Inc., an där e seng eege Bicher erausbruecht huet. 1934 huet hie sech scheede gelooss a mat der Florence Dearholt bestuet (1942 gouf och dëse Stot gescheet). Wärend dem Ugrëff op Pearl Harbor huet hien op Hawaii gewunnt a war do Krichskorrespondent.
Am Ganzen huet hie 70 Bicher geschriwwen, wouvun eent seng Autobiographie ass.
De Burroughs-Krater um Mars gougf no him genannt.
| Commons: Edgar Rice Burroughs – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
