Lëtzebuerger Distrikter

D'Distrikter waren zu Lëtzebuerg bis den 3. Oktober 2015 eng administrativ Ënnerdeelung vum Land. Si goufen 1843 geschaaft^[1], fir - iwwer d'Distriktskommissariat - als Schnëttstell tëscht de Gemengen an dem Inneministère ze déngen. 2015 goufe s'ofgeschaaft an d'Personal vum Inneministère iwwerholl.^[2]. D'Koordinatioun mat de Gemenge geschitt ewell direkt iwwer e Service am Inneministère^[3].

Déi fréier Lëtzebuerger Distrikter

Et gouf hirer dräi, déi sech sou zesummegesat hunn:

1. Distrikt Dikrech
   • Kanton Klierf
   • Kanton Dikrech
   • Kanton Réiden
   • Kanton Veianen
   • Kanton Wolz
2. Distrikt Gréiwemaacher
   • Kanton Iechternach
   • Kanton Gréiwemaacher
   • Kanton Réimech
3. Distrikt Lëtzebuerg
   • Kanton Capellen
   • Kanton Esch-Uelzecht
   • Kanton Lëtzebuerg, mat Ausnam vun der Stad Lëtzebuerg déi direkt mam Inneministère korrespondéiert huet.
   • Kanton Miersch

Vun 1857 bis 1867 gouf et zousätzlech en Distrikt Miersch, mat de Kantone Miersch a Réiden^[4],[5].

Kuckt och

• Walbezierker zu Lëtzebuerg

Um Spaweck

Commons: Lëtzebuerger Distrikter – Biller, Videoen oder Audiodateien

Referenzen

1. (fr)Loi du 24 février 1843 sur l'organisation communale et des districts. legilux.lu (03.04.1843). Gekuckt de(n) 12.07.2020.
2. (fr)Loi du 2 septembre 2015 portant abolition des districts (...). legilux.lu (09.09.2015). Gekuckt de(n) 12.07.2020.
3. Dani Schumacher: "Abschied von einem Anachronismus: Abgeordnete beschließen einstimmig die Abschaffung der Distrikte." Luxemburger Wort, 08.07.2015, S.2.
4. (fr)Ordonnance royale grand-ducale du 30 mai 1857 portant établissement d'un commissariat de district à Mersch. legilux.lu (03.06.1857). Gekuckt de(n) 12.07.2020.
5. (fr)Loi du 4 mai 1867 portant suppression du commissariat de district de Mersch. legilux.lu (15.06.1867). Gekuckt de(n) 12.07.2020.