Caritas Lëtzebuerg
lëtzebuergesch kathoulesch karitativ Organisatioun From Wikipedia, the free encyclopedia
lëtzebuergesch kathoulesch karitativ Organisatioun From Wikipedia, the free encyclopedia
D'Caritas Lëtzebuerg ass eng lëtzebuergesch kathoulesch karitativ Organisatioun, déi 1932 gegrënnt ginn ass an en Deel vum internationalen Netzwierk Caritas Internationalis ass.
| Caritas Lëtzebuerg | |
|---|---|
 | |
| Grënnungsdatum | 1932 |
| Mataarbechter | 1.041 (2022) |
| Sëtz | 29, Rue Michel-Welter, Lëtzebuerg |
| President | Marie-Josée Jacobs |
| Member vu(n) | Caritas Europa, Caritas Internationalis |
 | |
D'Caritas zu Lëtzebuerg ass de 14. Dezember 1932 als Federatioun vun de kathoulesche karitative Wierker[1] gegrënnt ginn. D'Federatioun ass op den 1. Dezember 1996 opgeléist a mat der Fondatioun Caritas ersat ginn.
D'Stëftung engagéiert sech am Déngscht vun der Diakonie vun der kathoulescher Kierch, fir géint all Form vun Aarmut, soziale Mëssstänn, Krankheeten a mënschlechem Misär zu Lëtzebuerg oder am Ausland ze kämpfen.
Si kann Etablissementer, Associatiounen, Wierker oder Persounen déi en änlechen Zweck erfëllen, moralesch oder materiell ënnerstëtzen.
D'Fondatioun orientéiert sech un der chrëschtlecher Visioun vun de Mënschen, de Wäerter vum Evangelium an der sozialer Doktrinn vun der kathoulescher Kierch, mä am Kader vun hiren Aktivitéiten hëlleft d'Fondatioun alle Leit, onofhängeg vun allen ideologeschen, philosopheschen oder reliéise Consideratiounen.
D'Stëftung ka sech op nationalem an internationalem Plang mat aneren Organisatiounen déi en änlecht Zil verfollegen, zesummendinn.
D'Fondation Caritas Luxembourg[3] këmmert sech ëm déi international Zesummenaarbecht an d'humanitär Hëllef grad ewéi ëm d'Flüchtlingshëllef zu Lëtzebuerg. Aner Aktivitéite gi vu verschiddenen Ënnerorganisatiounen assuréiert:
Presidentin vun der Fondation Caritas Luxembourg ass zënter 2013 d'Marie-Josée Jacobs.[7]
| Vu(n) | Bis | Generaldirekter |
|---|---|---|
| 1989 | 2009 | Erny Gillen[8] |
| 2009 | 2020 | Philippe Streff[9] |
| 2021 | 2024 | Marc Crochet[10] |
 Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
Am Juli 2024 koum e Finanzbedruch un d'Dagesliicht, bei deem bannent Méint am ganzen eng 60 Milliounen Euro op Konten am Ausland iwwerwise goufen a (ganz oder deelweis) verschwonne sinn[11].
Méi Informatioun doriwwer am Artikel: Caritas-Affär.
An der Folleg vun dëser Affär goufen d'Aktivitéite vun der Fondatioun Caritas gestoppt. Iwwerdeems d'Hëllef fir déi, déi zu Lëtzebuerg Hëllef brauchen, vun der nei gegrënnter Asbl HUT – Hëllef um Terrain iwwerholl ginn, gëtt nach no Léisunge gesicht(Stand: 2. Oktober 2024), wéi d'Projete vun der internationaler humanitärer Hëllef kënne virugefouert ginn[12].
| Commons: Caritas in Luxembourg – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
