Boeing E-3

De Boeing E-3 Sentry ass déi militäresch Versioun vun der Boeing 707-320, déi als AWACS Loftopklärer bei den Loftwaffen vu verschiddene Staaten am Asaz ass. Nieft der fir e Verkéiersfliger ontypescher Bannenariichtung ass um “Daach“ eng grouss Radar-/IFF-Antenn, déi ee kann dréien, installéiert. Dëse Rotodom huet en Duerchmiesser vun 914 cm an eng Déckt vun 183 cm. Den APY-1 Radar huet eng Reechwäit vun 375 km.

Boeing E-3
Technesch Daten
Vitess 855 km/h Passagéier Crew 4, Missiouncrew 13-19 Reechwäit km Längt 44,61 m Héicht 6,8 m Spannwäit 44,42 m Undriff Véier Pratt&Whitney TF-33-W-100 mat jee 93 kN

E puer vun den 33 Maschinne vun der US-Loftwaff solle bis no 2025 am Déngscht bleiwen.

Déi aktuell 17 Boeing E-3A Sentry Opklärungsfligere vun der NATO, fléien alleguer ënner lëtzebuergeschem Pavillon

Versiounen

D'Standarversioun vun der Sentry dréit déi offiziell Bezeechnung E-3A. Déi meescht Maschinne goufe vun der US-Loftwaff an den 80er Jore moderniséiert a goufen dunn als E-3B bezeechent. Am Laf vun der weiderer Moderniséierung krute vill vun de Fligeren nei CFM Triebwierker an domat d'Bezeechnung E-3C. An de spéiden 80er entwéckelt Boeing zesumme mat British Aerospace eng moderniséiert Versioun vun der Sentry fir d'Royal Airforce an Groussbritannien, d'E-3D. Dëse Modell ass mat neie méi leeschtungsfäege General Electric CFM56-Triebwierker, souwéi enger Virriichtung fir d'Loftbetankung versi ginn, mat där d'Sentry souwuel vun amerikanesche wéi europäeschen Tankfligere betankt ka ginn. Zousätzlech gouf den Asazspektrum erweidert. Parallel zu der E-3D gouf fir Frankräich d'E-3F entwéckelt, déi sech awer nëmme wéinst e puer Detailer ënnerscheeden.

Well de Grondmodell Boeing 707 a seng Variante säit Ufank den 90er net méi produzéiert gëtt, setzen d'US-Loftwaff an aner Interessente wéi Japan vun do un op d'Boeing 767 als Opklärungsplattform.

Keefer

• USA - 34 E-3A/B/C Sentry (aktuell 33 no engem Ofstuerz)
• NATO - 18 E-3A Sentry (aktuell 17 no engem Ofstuerz)
• Groussbritannien - 7 E-3D Sentry
• Saudi-Arabien - 5 E-3A Sentry (mat GE CFM56 Triebwierker)
• Frankräich - 4 E-3F Sentry

Technesch Daten E-3A

• Éischten Asaz: Mäerz 1977
• Käschten/Präis: zirka 270 Milliounen USD
• Besatzung: Crew 4, Missiouncrew 13-19
• Längt: 44,61 m
• Spannwäit: 44,42 m
• Véier Pratt&Whitney TF-33-W-100 Triebwierker mat jee 93 kN
• Max. Geschw./Vitess: 855 km/h
• Asazfluchhéicht: 9333–11000 m (28000-33000 Fouss)
• Asazdauer: bis 10 Stonnen ouni Loftbetankung (bis zu 18 Stonne mat Loftbetankung)

NATO-Fligeren déi ënner dem Lëtzebuerger Pavillon fléien

Den LX-N90454 bei engem "touch-and-go" um Findel

Immatrikulatioun	Constructeur	Typpebezeechnung	Lafend Nummer
LX-N19996	Boeing	707-329C	19996
LX-N19997	Boeing	707-307C	19997
LX-N20000	Boeing	707-307C	20000
LX-N20198	Boeing	707-329C	17966
LX-N20199	Boeing	707-329C	20199
LX-N790442	Boeing	E-3A	22855
LX-N790443	Boeing	E-3A	22838
LX-N790444	Boeing	E-3A	22839
LX-N790445	Boeing	E-3A	22840
LX-N790446	Boeing	E-3A	22841
LX-N790447	Boeing	E-3A	22842
LX-N790448	Boeing	E-3A	22843
LX-N790449	Boeing	E-3A	22844
LX-N790450	Boeing	E-3A	22845
LX-N790451	Boeing	E-3A	22846
LX-N790452	Boeing	E-3A	22847
LX-N790453	Boeing	E-3A	22848
LX-N790454	Boeing	E-3A	22849
LX-N790455	Boeing	E-3A	22850
LX-N790456	Boeing	E-3A	22851
LX-N790458	Boeing	E-3A	22853
LX-N790459	Boeing	E-3A	22854

Kuckt och

• Boeing
• NATO

Um Spaweck

Commons: E-3 Sentry – Biller, Videoen oder Audiodateien

• D'E-3 op der Boeing-Websäit
• Military Aircrafts of the Royal Air Force