D'Annette Krier, gebuer den 10. August 1937 an der Stad Lëtzebuerg, ass eng fréier lëtzebuergesch Turnerin an Olympionickin.[1]
| Annette Krier | |
|---|---|
| Gebuer |
10. August 1937 Lëtzebuerg |
| Nationalitéit | Lëtzebuerg |
| Aktivitéit | Turner |
| Huet matgemaach bei | Olympesch Summerspiller 1956 |
 | |
D'Annette Krier huet bei der Gym zu Bouneweg ugefaangen zu turnen. 1954 war déi éischt lëtzebuergesch Meeschterschaft am Fraenturnen an d'Annette Krier gouf tëscht 1956 an 1965 aachtmol Landesmeeschterin (1959 an 1960 goung deen Titel un d'Liliane Becker).
Am Virfeld vun den Olympesch Summerspiller 1956, huet d'Annette Krier zu Budapest zesumme mat der ungarescher Nationalekipp trainéiert. 1956 huet si dunn – als eenzeg Fra an engem Kader vun 11 Athleten – Lëtzebuerg op de Spiller zu Melbourne vertrueden.[3] Am Méikampf koum si ënner 65 Konkurrentinnen aus 15 Natiounen op d'Plaz 59; hir bescht Übung um Buedem huet hir déi 39. Plaz abruecht.
D'Annette Krier ass d'Enkelin vum Pierre Hentges sen. an d'Duechter vun der Maisy Krier-Hentges. Si ass mam Fernand Weber bestuet, deen och an der Turnbeweegung aktiv war.
- Chevalier de l'Ordre de Mérite du Grand-Duché de Luxembourg[4]
- Luxemburgs erste Turnerin bei Olympia – Die Turnlehrerin des Großherzogs, wort.lu, 24.07.2024
- Gricius, Pierre. Luxemburger Sportlerinnen bei den olympischen Spielen 1924 - 2012. Luxembourg: Conseil national des femmes, 2013. Print. S. 58-59. ISBN 978-2-9599734-5-1
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
