De Paul Joseph Alphonse Funck, gebuer den 9. Abrëll 1833 an der Stad Lëtzebuerg, a gestuerwen den 20. Abrëll 1876, war e lëtzebuergesche Jurist a Politiker.
| Alphonse Funck | |
|---|---|
| Gebuer |
9. Abrëll 1833 Lëtzebuerg |
| Gestuerwen | 20. Abrëll 1876 |
| Nationalitéit | Lëtzebuerg |
| Aktivitéit | Politiker, Affekot |
| Famill | |
| Geschwëster | Théophile Funck-Brentano |
 | |
Hie gouf 1858 Affekot. Vun 1866 bis 1872 war hie Gemengeconseiller an der Stad Lëtzebuerg, déi dräi lescht Joer dovu Schäffen.
1867 huet hien zesumme mam Charles Simonis an dem Nicolas Martha e Rapport un de Groussherzog geschriwwen, an deem se op d'Ängscht vun de Stater Leit opmierksam gemaach hunn, wat wier, wann d'preisesch Arméi ofzéien an d'Festung geschleeft sollt ginn.
Hien huet sech och am Comité de secours aux blessés de la guerre de 1870-71 engagéiert a war Schoulinspekter.[1]
Den Alphonse Funck gouf den 22. Januar 1872 zum President vum Tribunal d'arrondissement vun Dikrech erannt.
Vum 26. Dezember 1874 bis zu sengem Doud war hie Generaldirekter (Minister) fir Justiz an der Regierung de Blochausen.
Den Alphonse Funck war de Brudder vum Théophile Funck a bestuet mat der Marie Jeanne Athalie Becker. D'Koppel hat 4 Kanner.[2]
- Le moralisme, Esquisse philosophique. Librairie philosophique de Ladrange, Paräis, 1858.
- Quelques observations au sujet de la revision du Code pénal dans le G.-D. de Luxembourg. Lëtzebuerg, Heintzé frères, 1863, 58 S.
- Exercices d'usage de la langue française à l'usage des écoles primaires, Lëtzebuerg, Heintzé frères, 1871, 141 S.
- Quelques pages sur la création du monde par Dieu., Lëtzebuerg, Heintzé frères, 47 S.
- Officier vum Ordre de la couronne de chêne
- Officier vun der Légion d'honneur
- Biographie nationale, fasc.11,S.230-31
- Biographie nationale, fasc.11, S.233.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
