Ärenzdallgemeng

D'Ärenzdallgemeng ass eng vun den 100 lëtzebuergesche Gemengen. Se läit am Kanton Dikrech.

Ärenzdallgemeng
D'Märei vun der Ärenzdallgemeng zu Miedernach
An anere Sproochen	fr: Commune de la vallée de l'Ernz de: Ernztalgemeinde
Land	Lëtzebuerg
Kanton	Kanton Dikrech
Chef-lieu	Miedernach
Buergermeeschter	Bob Bintz
Awunner	2.796
	1. Januar 2024
Fläch	39,73 km²
Héicht	253 m
Koordinaten	49°49'N, 6°13'O
LAU-Code	LU0610
Websäit	http://www.aerenzdall.lu

D'Ärenzdallgemeng ass den 1. Januar 2012 aus der Fusioun vun de Gemengen Iermsdref a Miedernach entstanen. De Verwaltungssëtz (Chef-lieu) vun der Gemeng ass zu Miedernach.

Uertschaften a Lieu-diten an der Gemeng[1]

• Uertschaften an der fréierer Gemeng Iermsdref:
  • Eppelduerf
  • Iermsdref
  • Folkendeng
  • Keiwelbaach
  • Steeën
• Uertschaften an der fréierer Gemeng Miedernach:
  • Miedernach
  • Marxbierg
  • Ousterbur
  • Pletschette
  • Suewelbuer (Savelborn), ausser engem Bauerenhaff, deen zur Gemeng Waldbëlleg gehéiert
  • Kitzebur
• Häff a Lieu-diten an der fréierer Gemeng Iermsdref:
  • Backesmillen
  • Bricherheck
  • Bricherhaff
  • Gilcher
  • Hessemillen
  • Hoossebierg
  • Moderhaff
  • Neimillen
  • Reisermillen
  • Spierberich
  • Webeschhaff

Geographie

Wéi den Numm et ausdréckt, läit d'Ärenzdallgemeng am Dall vun der Wäisser Ärenz.

Fréier Gemeng Iermsdref

D'Landschaftsbild vun der fréierer Gemeng Iermsdref ass gréisstendeels vu landwirtschaftlechen Aktivitéiten (Wisen a Felder an enger oppener Gewan) markéiert. Ronderëm ware praktesch iwwerall Bëscher, déi awer zu 90 % um Territoire vun den Nopeschgemenge louchen. D'Wäiss Iernz, déi vu Süden no Norden derduerch leeft, huet d'Gemeng an zwou topographesch verschidde Géigende gespléckt, mat am Westen, dem méi oder manner flaache Plateau vu Steeën a Folkendeng, an am Osten, vum Uwänner vun der Iernz un, der koppeger Géigend tëscht Iermsdref an Eppelduerf. Do louch och, op enger flaacher Kopp, eng ronn 400 m nërdlech vum Gréiwenhaff, mat 420 Meter déi héchst Plaz an der Gemeng. Déi déifst Plaz war op der Hessemillen op ongeféier 210 Meter, do, wou d'Kriibsebaach an d'Wäiss Iernz leeft.

Fréier Gemeng Miedernach

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Geschicht

Gemengefusioun

Den 21. Mäerz 2010 hunn d'Bierger vun deenen zwou Gemenge sech an engem Referendum zu iwwer 83 % fir dës Fusioun ausgeschwat. Nom Vott vum Gemengerot de 6. Abrëll war d'Entscheedung definitiv.

D'Fusioun:

• 
  Miedernach...
• 
  an Iermsdref...
• 
  fusionéieren zu Ärenzdall.

Am Juli 2022 gouf en neit Gemengenhaus, an der Fielsser Strooss zu Miedernach, a Betrib geholl^[2].

Naturkatastroph

• Den 22. Juli 2016 goufen d'Uertschaften an der Ärenzdallgemeng, grad wéi déi an de Gemenge Fiels a Reisduerf, d'Affer vun engem Joerhonnertreen, deen a kuerzer Zäit zu gewaltegen Iwwerschwemmunge gefouert huet bei deene vill Leit all hire Besëtz verluer hunn^[3],[4].

Politik

Buergermeeschteren

• 2012 - 2022^[5]: André Kirschten
• zanter 2023: Bob Bintz^[6]

Kuckeswäertes

• den Dolebierg
• d'Juddemonument zu Miedernach^[7]

Interkommunal Syndikater

D'Ärenzdallgemeng ass Member vu follgenden interkommunale Syndikater:

• Maintien à domicile-Medernach
• Parc Naturel Mullerthal
• SIDEC
• SIDEN
• SIGI
• Syndicat d'eau Savelborn Freckeisen
• Syndicat Mullerthal
• SYVICOL

Kuckt och

• Lëscht vun den nationale Monumenter an der Gemeng Ärenzdall
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied
• Bloen Eck, e bekannte Café-Restaurant zu Steeën op der N14

Um Spaweck

Commons: Ärenzdall – Biller, Videoen oder Audiodateien

• Offiziell Websäit vun der Gemeng
• D'Ärenzdallgemeng op der Websäit vum Syvicol
• Homepage vun der Miedernacher Musek
• Homepage vum Miedernacher Foussball

Referenzen

1. D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.
2. "Nouvelle mairie / Neues Gemeindehaus" am Gemengebuet 2023-01, S.72-73, op aerenzdall.lu.
3. Land unter im Ernztal op wort.lu
4. Ein für Luxemburg unvorstellbares Ausmaß op wort.lu vum 25. Juli 2016
5. Bürgermeister der Ernztalgemeinde tritt zurück. Luxemburger Wort (22.12.2022). Gekuckt de(n) 22.12.2022.
6. (fr)Assermentation du nouveau bourgmestre et d'un nouvel échevin de la commune de la Vallée de l'Ernz. mint.gouvernement.lu (09.02.2023). Gekuckt de(n) 09.02.2023.
7. Schoentgen, Marc: Die jüdische Gemeinschaft in Medernach – Einwanderung, Integration und Verfolgung (Auszuch)