Walert
From Wikipedia, the free encyclopedia
D'Mine Walert war eng Eisenäerzmine zu Rëmeleng, déi der Schmelz vu Rodange gehéiert huet a vun 1898 bis 1963 a Betrib war.
Iwwer dem Buedem ass de Flouer Walert eng Schlucht, déi duerch de Walertfloss gegruewe gouf. Dee gëtt et haut net méi, mee e war fréier grouss genuch fir geholl ze ginn als nach haut gëlteg Grenz tëscht Lëtzebuerg a Frankräich. Sou ass Walert also begrenzt am Süden duerch den Ëttenger Gaalgebierg, an am Norden duerch Op der Lëndgen, Vir Haasselt an den Hierzesprong. "Op Walert" ass d'Héicht westlech vu "Walert", do wou haut de Schéissterrain ass. Den Numm Walert kënnt entweeder vu vallis (Dall) oder valli (Wall). D'Endsilb "-ert" ass op alle Fall kloer d'Verkierzung vun Hart (Bësch).[1]