![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/26/Salivary_glands_numbered.svg/langlb-640px-Salivary_glands_numbered.svg.png&w=640&q=50)
Spautdrüs
From Wikipedia, the free encyclopedia
Eng Spautdrüs oder Speicheldrüs (lat.: glandula salivaria) ass eng exokrin Drüs bei ville Wierbeldéieren. Si produzéiert de Spaut.
![Thumb image](http://upload.wikimedia.org/wikipedia/commons/thumb/2/26/Salivary_glands_numbered.svg/640px-Salivary_glands_numbered.svg.png)
2. Spautdrüs vum ënneschte Gebéck
3. Spautdrüs ënnert der Zong
D'Mamendéieren, dorënner de Mënsch, hunn dräi grouss Spautdrüsen, déi et jee zweemol gëtt:
- d'Ouerespautdrüs (glandula parotidea oder glandula parotis),
- d'Spautdrüs vum ënneschte Gebéck (glandula submandibularis beim Mënsch a glandula mandibularis bei den Déieren),
- an d'Spautdrüs ënnert der Zong (glandula sublingualis).
Déi grouss Spautdrüse sinn eegestänneg Organer mat eegener Begrenzung.[1]
Donieft ginn nach vill kleng Spautdrüsen, déi reegelméisseg iwwer d'Schläimhaut vun der Mondhiel an der Strass verdeelt sinn. De Mënsch huet där jee no Quell tëscht 500 an 1.000.[2],[3] Si ginn no hirer Lag bezeechent, zum Beispill d'Lëpsendrüsen (glandulae labiales) oder d'Drüse vum Gomm (glandulae palatinae).[1]
Verschidden Aarte vun Erkrankunge betreffen d'Speicheldrüsen: eng Feelfunktioun, Spautdrüsesteng, Infektiounen a Schwellungen. Faktoren, déi dozou féieren, sinn ënner anerem rheumatoid Arthritt, HIV, Lupus, an d'Anhuele vu Medikamenter wéi Antidepressiva, Antihistaminiquen, Antipsychotika, Medikamenter géint d'Parkinson-Krankheet a Berouegungsmëttel. Och eng Chemotherapie, d'Bestralung vum Kapp an Hals oder Radiotherapie bei Schilddrüsekriibs kann zu enger reduzéierter Spautproduktioun féieren[4].