Natioun
From Wikipedia, the free encyclopedia
Eng Natioun (virum 14. Joerhonnert aus dem lat. natio „Gebuert; Hierkonft; Vollek“ iwwerholl) ass e Konzept vun der Kategoriséierung vu Mënschen a Gruppen a Kollektiven iwwer ausgewielt - dacks "objektiv" gesat - Charakteristike wéi: Sprooch, Traditioun, Ofstamung, asw. Dës Markéierunge gi bei vëlkesche Konzeptioune vum Begrëff vun der Natioun als déi national Charaktere vun engem Vollek oder enger Volleksgemeinschaft ugesinn. Dëst entsprécht der Natioun als anthropologescht Konzept, wat sech an de Begrëffer vun der sougenannter "Kulturnatioun" oder ethnescher Natioun mam vëlkeschen Nationalismus weist.
Heibäi muss ee bei der virbiergerlecher Benotzung vum Begrëff "Natioun" ënnerscheeden, mat deem virrangeg d'Judden als Natioun ernimmt goufen, an der Entwécklung vum Konzept vun der Natioun mam Ufank vum Biergertum an der Zäitgeschicht, wat d'Begrëffer Staat an Natioun matenee verbënnt.
Fir politesch Kollektiver, déi sech wéi an der Franséischer Revolutioun an der Nationalversammlung zu enger Natioun als Staat mat enger Constitutioun zesummefonnt hunn, gëtt et och d'Begrëffer Wëllensnatioun oder Staatsnatioun. Staat an Natioun ginn hei als Synonymmer benotzt.
Bei der klassescher Wëllensnatioun mat engem Staatsvollek handelt et sech ëm e Villvëlkerstaat, wéi zum Beispill d'Schwäiz, déi aus däitschen, franséischen, italieeneschen a rätoromanesche Bevëlkerungsgruppe besteet. Eng ethnesch Natioun oder Kulturnatioun dogéint ass meeschtens en iwwerstaatleche Kulturraum (zum Beispill: arabesche Sprooch- a Kulturraum).