Eng Nationalhymn ass e Museksstéck, dat d'Staats- an d'Nationalgefill vun engem Land ausdrécke soll. Si gëtt meeschtens bei feierlechen Uläss gespillt, wéi zum Beispill bei engem Staatsempfang, ma och bei der Éierung vun Gewënner vu sportlechen Evenementer wéi zum Beispill bei den Olympesche Spiller.
Déi meescht Länner hunn zanter dem Ufank vum 19. Joerhonnert sou eng Nationalhymn entwéckelt, an déi meescht dovun hunn souwuel eng Melodie wéi och en Text, ma et gëtt der och, déi ouni Text gespillt ginn.
Et gëtt verschidde Bräich, wann d'Nationalhymn erkléngt, ma fir gewéinlech stinn d'Leit dobäi op. Munchmol gëtt d'Nationalhymn och matgesongen.
Wann de Gesellschaftssystem geännert gëtt, da wiesselt dacks och d'Nationalhymn.
E puer Staaten hu méi national Hymnen, woubäi zwar nëmmen eng déi offiziell Nationalhymn ass, ma déi aner an der Ëffentlechkeet déi selwecht staark Symbolkraaft huet an zum Deel och bei offiziellen Uläss gespillt ginn. E Beispill dofir ass Groussbritannien, wou sech nieft der Nationalhymn "God Save the King" och d'Hymnen "Rule Britannia" an "Land of Hope and Glory" etabléiert hunn.
- Lëscht vun Nationalhymnen
- Ons Heemecht, Nationalhymn vu Lëtzebuerg
- Wilhelmus, Hymn vun de Groussherzoge vu Lëtzebuerg
| Commons: Nationalhymnen – Biller, Videoen oder Audiodateien |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
