![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Kirche_Basbellain_01.jpg/640px-Kirche_Basbellain_01.jpg&w=640&q=50)
Méchelskierch vu Kierchen
kathoulesch Kierch / From Wikipedia, the free encyclopedia
D'Méchelskierch vu Kierchen ass eng kathoulesch Kierch, déi zur Par Ëlwen–Wäiswampich Saint-François am Dekanat Norden an zu der Gemeng Ëlwen gehéiert.
| ||||
---|---|---|---|---|
![]() Filialkierch zu Kierchen (2014) | ||||
Uertschaft / Plaz | Kierchen | |||
Par | Ëlwen–Wäiswampich Saint-François | |||
Dekanat | Norden | |||
Numm / Patréiner | Hl. Méchel | |||
Architekt(en) | Antoine Hartmann | |||
Baujoer | 1870 | |||
Koordinaten | 50° 08’ 43.8’’ N 05° 58’ 58.0’’ O | |||
Kierchen - Kapellen |
De Patréiner ass den hellege Méchel, deem säi Fest den 29. September gefeiert gëtt, als Niewepatréiner figuréiert den hellege Remigius vu Reims, deen als Deefer vum Clovis I. an d'Geschicht agoung.
D'Kierch steet zentral am Duerf um CR337. Westlech a südlech vun der Kierch ass de Kierfecht ugeluecht. Nërdlech dovu war deen ale Kierfecht, vun deem nach eng Rei Grafsteng erhale sinn.
D'Méchelskierch ass, zesumme mat der Plaz an dem Kierfecht ronderëm, zanter dem 31. Mee 1991 op der Lëscht vun de klasséierte Monumenter als Nationalmonument klasséiert. De Mobiliar ass den 23. Abrëll 2019 explizit derbäikomm.[1]