Luxair
lëtzebuergesch Fluchgesellschaft / From Wikipedia, the free encyclopedia
D'Luxair - Société Luxembourgeoise de Navigation Aérienne, ass eng lëtzebuergesch Fluchgesellschaft. Hir Heemechtsbasis ass de Fluchhafe Lëtzebuerg. 1948 gouf d'Luxembourg Airlines Company gegrënnt, an 1948 ass hiren éischte Fliger op Paräis geflunn. D'Gesellschaft ass 1961 a Luxair - Société Luxembourgeoise de Navigation Aérienne ëmgenannt ginn an 1962 huet d'Gesellschaft mat Fluch-Operatiounen ugefaangen. Vun Ufank un haten d'Fligeren eng turquoise Faarf.
LUXAIR | |
---|---|
Grënnung: | 1948 |
IATA-Code: | LG |
ICAO-Code | LGL |
Ruffzeechen: | Luxair |
Sëtz: | Lëtzebuerg |
Status: | Société Anonyme |
Flott: | 21 (12 Bestallt) |
D'Haaptaktionäre (2021) vun der Luxair sinn de Lëtzebuerger Staat an d'Spuerkeess.
2018 huet d'Luxair 2.132.426 an am Joer 2019 2.148.098 Passagéier transportéiert. Déi duerchschnëttlech Auslaaschtungsquot vun alle Flich louch bei 71,6%. D'Flott war an deem Zäitraum am Ganzen 51.052 Stonne geflunn. Fir d'Luxair-Grupp hunn dat Joer ronn 2.800 Leit geschafft. D'Gesellschaft konnt sou um Enn vum Joresbilan e positiivt Netto-Resultat mat engem Total vu 9,458 Mio. Euro verbuchen.
Generaldirekter vun der Gesellschaft ass zanter dem 12. Mee 2020 de Gilles Feith, deen déi Plaz vum Adrien Ney iwwerholl hat, wéi deen no 15 Joer un der Spëtzt vun der Luxair am Juni 2020 an d'Pensioun gaangen ass[1].