Lëtzebuerger Nationalarchiven
staatleche Kulturinstitut / From Wikipedia, the free encyclopedia
D'Lëtzebuerger Nationalarchiven, offiziell Archives nationales de Luxembourg, ofgekierzt ANLux, sinn d'Nationalarchive vum Lëtzebuerger Land[1].
Lëtzebuerger Nationalarchiven | |
---|---|
D'Nationalarchiven an der Stad | |
ANLux | |
Land | Lëtzebuerg |
Secteur | Kultur |
Leedung | Josée Kirps |
Ënnersteet der/dem | Ministère de la Culture |
Um Spaweck | http://www.anlux.lu |
D'Nationalarchive sinn en Deel vum historesche Gediechtnes vum Land a vun der Lëtzebuerger Gesellschaft. Déi Archivdokumenter, déi an den ANLux versuergt ginn, sinn Zeie vun der politescher, reliéiser, kultureller, sozialer a wirtschaftlecher Geschicht vum Grand-Duché. D'ANLux gehéieren zu de staatleche Kulturinstituter an ënnerstinn dem Kulturministère[2].
Si sinn an der aler Kasär vun der Fräiwëllegekompanie um Helleg-Geescht-Plateau[3] an der Stad Lëtzebuerg ënnerbruecht, engem Gebai, dat als Militärlazarett gebaut gouf.
Am Mäerz 2022 gouf mam Bau vun engem neie Gebai um Belval ugefaangen. Et soll 2025 fäerdeg sinn.[4]