Moundkrater From Wikipedia, the free encyclopedia
De Krater Hausen ass e groussen Aschlagkrater op der viischter Moundsäit. De Krater läit um süd-südwestleche Rand vun der Vollmoundscheif. Dofir hänkt seng Siichtbarkeet staark vun der Libratioun of, och nach bei gënschtege Bedéngunge, kann e vun der Äerd aus, nëmme vun der Säit gesi ginn.
De Krater Hausen (Foto: LRO) | |
Koordinaten | 65°6'36"S, 88°29'24"W |
---|---|
Duerchmiesser | 163 km |
Déift | 6.020 m |
Selenographesch Längt | 95° bei Sonnenopgank |
Genannt no | Christian August Hausen |
Genannt am Joer | 1961 |
Moundvéiereck | LQ30 |
Den Hausen-Krater läit um westleche Rand vum Krater Bailly. Am Nordoste läit de Krater Pingré, nërdlech schléisst sech de Krater Arrhenius un. Säin Alter gëtt op 3.6 Milliarde Joer geschat.
De Kraterrand ass bal kreesronn mat enger Bëlz a südsüdëstlecher Richtung. Hien ass nëmmen e bëssi erodéiert an net vun anere Krateren iwwerdeckt, et gëtt nëmmen ee klenge Krater laanscht de südwestleche Rand. De bannenzege Kraterrand fällt am Norden an am Süden terrassenaarteg of an ass am Osten a Weste méi onreegelméisseg.
Den Zentrum vum Krater Hausen ass am grousse Ganze flaach mat e puer raue Plazen. Et gëtt eng komplex Héichpunktformatioun, déi e bëssi ëstlech vun der Kratermëtt läit. Déi Formatioun leeft an nordsüdlecher Richtung a besteet aus en ettleche Biergrécker, déi vun Däller getrennt sinn. Doru schléisst sech südëstlech ee méi niddrege Biergzuch un a südlech eng Usammlung vun Hiwwelen.
De Krater gouf am Joer 1961 vun der I.A.U. nom däitschen Astronom Christian August Hausen (1693–1743) genannt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.