![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bb/EU_Emergency_Response_Coordination_Centre_in_Brussels.jpg/640px-EU_Emergency_Response_Coordination_Centre_in_Brussels.jpg&w=640&q=50)
Europäescht Amt fir humanitär Hëllef
From Wikipedia, the free encyclopedia
D'Europäescht Amt fir humanitär Hëllef (engl. European Commission Humanitarian Office; kuerz: ECHO), ass deen Departement vun der Europäescher Kommissioun, dee sech mat der humanitärer Hëllef an dem Schutz vun der ziviller Bevëlkerung an Drëttlänner befaasst. 2013 huet d'EU iwwer ECHO 1,35 Milliarden Euro fir Nouthëllefsmoossnahmen zur Verfügung gestallt.[1] 2020 waren dat schonn 2,14 Milliarden Euro.[2]
![Thumb image](http://upload.wikimedia.org/wikipedia/commons/thumb/b/bb/EU_Emergency_Response_Coordination_Centre_in_Brussels.jpg/640px-EU_Emergency_Response_Coordination_Centre_in_Brussels.jpg)
Am Kader vu sengen humanitären Interventioune setzt ECHO selwer keng Hëllefsprogrammer ëm, mä finanzéiert Operatiounen iwwert en Netzwierk vun iwwer Partner (ONGen, UN-Agencen an international Organisatioune wéi d'Rout-Kräiz-Beweegung).[1] 2020 hat ECHO 51 lokal Büroen an 40 Länner, mat 455 Mataarbechter.[2] Déi lokal Büroen analyséieren déi aktuell a zukünfteg Besoinen a bestëmmte Länner oder Regiounen, droen zu der Entwécklung vun den Interventiounsstrategien an der Politik bäi, bidden technesche Support fir d'Aktiounen, déi vun ECHO finanzéiert ginn, suerge fir eng adequat Iwwerwaachung vun dësen Interventiounen a facilitéieren dem Donateur seng Koordinatioun op der Plaz.[2]