![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/lb/thumb/1/16/Curia_rationum.jpg/640px-Curia_rationum.jpg&w=640&q=50)
Europäesche Rechnungshaff
From Wikipedia, the free encyclopedia
Den Europäesche Rechnungshaff, d'Cour des comptes européenne, kontrolléiert, datt all d'Recetten, déi d'Europäesch Unioun anhëlt, an all d'Depensen, déi se mécht, op eng legal a korrekt Manéier gemaach gi sinn, an datt de Budget vun der EU gutt geréiert gëtt. E gouf 1977 gegrënnt huet säi Sëtz zu Lëtzebuerg. Ronn 850 Leit schaffen do.
![Thumb image](http://upload.wikimedia.org/wikipedia/lb/thumb/1/16/Curia_rationum.jpg/640px-Curia_rationum.jpg)
Den Europäesche Rechnungshaff huet 27 Memberen, 1 pro EU-Membersland, déi op 6 Joer, déi verlängert kënne ginn, vum Conseil vun der Europäescher Unioun ernannt ginn. Intern kënnen des sech a 'Chamberen' organiséieren, déi verschidden Zorten Rapporten oder Avise kënne maachen. D'Membere wielen aus hirer Mëtt e President op 3 Joer. Zanter September 2016 ass dat de Klaus-Heiner Lehne.