From Wikipedia, the free encyclopedia
D'Edwards Air Force Base ass eng Loftwaffebasis vun der United States Air Force am Antelope Valley no bei Lancaster a Kalifornien. Si läit ronn 100 km nërdlech vu Los Angeles. Mat hiren ausgedeente Pisten op dem ausgedrëchnete Séi Rogers Dry Lake ass si duerch déi do ausgefouerten Testflich vu verschiddene Fligertyppen an als Landeplaz vum Space Shuttle weltwäit bekannt ginn.
Edwards Air Force Base | |
---|---|
![]() | |
Kategorie | Fluchhafen |
Dréier | United States Air Force |
Standplaz vun der Ariichtung | Los Angeles |
Art vu Fuerschung | ugewannt Militärfligerei Astronautik |
Gebaut | 1933 |
Gegrënnt | 1942 (als Air Base) |
Leedung | Air Force Materiel Command |
Homepage | Edwards Air Force Base |
Koordinaten | 34° 54’ 20’’ N 117°° 53’ 01’’ W |
De ronn 74 km² grousse Stëtzpunkt gëtt vun der US-Air Force an der NASA benotzt, déi do hiren Dryden Flight Research Center bedreift. D'USAF schafft op hirem Air Force Flight Test Center (AFFTC) un Entwécklungen an Tester vu bemannten an onbemannten Loftgefierer, inklusiv vun deenen hirer Avionik. Déi zweet bedeitend Ariichtung vun der US-Loftwaff ass hir Testpilote-Schoul.
D'Standard-Start- a Landebunn ass eng 4.580 Meter laang Bëtongspiste (04/22), awer déi ganz glat a flaach Buedemfläch vum ausgedréchnete Séi erlaabt och Landungen um kompletten Terrain. Orientéierung fir d'Piloten ass um Séibuedem eng Wandrous mat 1220 Meter Duerchmiesser. Zousätzlech si ronn 20 verschidde Landebunne markéiert, déi längst dovun, Landebunn 17/35, ass 11.920 m x 275 m grouss. D'Airbase war ronn 50-mol d'Standardlandeplaz fir d'Shuttle-Missiounen. Fir d'lescht war do am September 2009 d'Discovery am Kader vun der Missioun STS-128 gelant.
Op der Edwards Air Base ass och de Birk Flight Test Center op deem am August 2011 Tester mam onbemannte Global-Hawk-Fliger gemaach goufen.
Nordwestlech vun der Base läit de Mojave Air & Space Port.
Ufanks als Muroc Army Air Field a spéider als Muroc Army Air Force Base bezeechent, gouf se den 8. Dezember 1949 nom Testpilot Glen Edwards genannt, deen als Kopilot vum Prototyp Northrop YB-49 de 5. Juni 1948 op där Plaz déidlech verongléckt war.
Commons: Edwards Air Force Base – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.