From Wikipedia, the free encyclopedia
De Conseil économique et social (kuerz: CES) gouf zu Lëtzebuerg duerch d'Gesetz vum 21.Mäerz 1966[1] ageféiert.
![]() |
Dësen Artikel beschäftegt sech mat lëtzebuergesche Wirtschafts-a Sozialrot. Fir deen europäesche Comité, kuckt wgl. Europäesche Wirtschafts- a Sozialcomité. |
Den CES ass eng konsultativ Ariichtung vun der Regierung a Saache vu wirtschaftlechen a sozialen Orientatiounen zu Lëtzebuerg, op nationalem a supranationalem Plang. Seng Haaptaufgab ass et e Konsens vun den dacks ënnerschiddleche Positioune vum Salariat a vum Patronat ze fannen, an der Regierung Propositiounen, fir zukünfteg politesch Decisiounen, ze maachen. D'Etüden iwwer wirtschaftlech, sozial a Finanzproblemer ginn op Nofro vun der Regierung oder op eegen Initiativ gemaach.
D'aktuell Zesummesetzung vum CES baséiert um Gesetz vum 15 Juni 2004[2].
De Conseil besteet aus 39 Memberen, mat der selwechter Zuel vu Suppleant Memberen, déi op 3 Gruppen opgedeelt si fir d'sozial wirtschaftlech Struktur vum Land erëmzespigelen.
D'Memberen an d'Suppleant Membere ginn op eng Dauer vu 4 Joer ernannt. D'Mandat vun de Memberen as erneierbar.
Um Enn vun dëser 4-järeger Period, gëtt den CES ganz erneiert. D'Verdeelung vun de Mandater gëtt, op Avis vum CES hi mat engem Règlement Grand-ducal definéiert. D'Verdeelung vun de Mandater ka bei der Erneierung vum CES nei gestaffelt ginn.
De President, sou wei déi zwéi Vizepresidente gi vum Groussherzog, op Virschlag vum CES, fir eng Dauer vun 2 Joer ernannt. Se gi vum CES nom Rotatiounsprinzip vun den 3 sozial-wirtschaftleche Vertriedergruppen proposéiert. D'Ernennung vum Generalsekretär gëtt dem Grand-Duc no enger geheimer Ofstëmmung vun der Assemblée générale proposéiert.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.